Quarry : క్వారీ గుంతలో పడి ముగ్గురి మృతి

Quarry dead

Quarry : సూర్యాపేట జిల్లాలో విషాదం నెలకొంది. క్వారీ గుంతలో పడి ముగ్గురు మృతిచెందారు. మృతుల్లో ఇద్దరు యువకులు ఒక బాలిక ఉన్నారు. ఆత్మకూరు (ఎస్) మండలంలోని బొప్పారం గ్రామంలో బుధవారం ఉదయం ఈ ఘటన జరిగింది. శ్రీపాల్ రెడ్డి, రాజు స్నేహితులు. వీరిద్దరూ హైదరాబాద్  లో నివాసముంటున్నారు. శ్రీపాల్ రెడ్డి బిల్డర్ గా, రాజు సాఫ్ట్ వేర్ ఇంజనీర్ గా పనిచేస్తున్నారు. మంగళవారం బొప్పారంలో ఓ విందు కార్యక్రమానికి వారు కుటుంబాలతో హాజరయ్యారు.

బుధవారం ఉదయం శ్రీపాల్ రెడ్డి, రాజు, ఆయన కుమార్తె (12) క్వారీ చూసేందుకు వెళ్లారు. ఈ క్రమంలో ప్రమాదవశాత్తు రాజు కుమార్తె క్వారీ గుంతలో పడిపోయింది. గుంతలో నీరు ఉండడంతో ఆమెను కాపాడేందుకు రాజు, శ్రీపాల్ రెడ్డి అందులోకి దిగారు. ఈత రాకపోవడంతో ముగ్గురూ మృతి చెందారు. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు.