Naga Chaitanya
Naga Chaitanya : నాగ చైతన్య రేంజ్ మారిపోయింది. ఒక్క పాటకే రూపాయలు మూడు కోట్లు ఖర్చు పెడుతున్నారని సినీ వర్గాల టాక్. నాగ చైతన్య ప్రస్తుతం చందు మొండేటి దర్శకత్వంలో తండేల్ సినిమాలో యాక్ట్ చేస్తున్నారు. ఈ మూవీలో హీరోయిన్ గా సాయి పల్లవి నటిస్తుంది. కాగా నాగ చైతన్య సినిమాలో ఇప్పటి వరకు ఒక్క పాట కోసం మూడు కోట్ల వరకు ఖర్చు పెట్టింది లేదు.
కాగా చందు మొండేటి డైరెక్షన్ లో కార్తికేయ 2 అనే మూవీ బిగ్గెస్ట్ హిట్ గా నిలిచింది. శ్రీ కృష్ణుడికి సంబంధించిన పౌరాణిక కథను ఆధారంగా చేసుకుని కార్తికేయ 2 తీశారు. ఈ మూవీ భారీ హిట్ సాధించింది. కాగా మత్స్యకారుడి జీవితాన్ని ఆధారంగా చేసుకొని తండేల్ సినిమాను నిర్మిస్తున్నారు. ఈ మూవీ కి దాదాపు 100 కోట్ల కు పైగా ఖర్చు చేస్తున్నట్టు ప్రచారం జరుగుతోంది.
అయితే తండేల్ మూవీ కోసం నాగచైతన్య తీవ్రంగా కష్టపడుతున్నాడు. కాగా ఒక్క సాంగ్ కోసం ప్రస్తుతం టీం మొత్తం శ్రమిస్తున్నట్లు తెలుస్తోంది. సినిమాకు సంబంధించి మెయిన్ సాంగ్ సందర్భంగా మూడు కోట్లు ఖర్చు చేస్తున్నారని టాక్. గుజరాత్ సముద్ర తీరంలో ఒక మత్స్యకారుడి జీవితంలో జరిగిన ఒక సంఘటనకు సంబంధించి రియల్ స్టోరీని సినిమాగా తీస్తున్నారు.
కాగా భర్త పాకిస్తాన్ జలాల్లోకి వెళ్లి వారికి దొరికిపోగా వారి నుంచి రక్షించేందుకు ఇండియాలో భార్య పోరాటం చేస్తుంది. దీన్ని బేస్ చేసుకుని తండేల్ సినిమాను తీస్తున్నట్లు చర్చ జరుగుతుంది. నాగ చైతన్యకు రెండు మూడు సంవత్సరాలు నుంచి ఏ సినిమా కూడా హిట్ కావడం లేదు. థాంక్యూ సినిమా రెండు రోజులకే థియేటర్ల నుంచి వెళ్ళిపోయింది. ఇలాంటి సందర్భంలో ఈ మూవీ పై నాగ చైతన్య భారీ హోప్స్ పెట్టుకున్నారు. ఈయనతో పాటు చిత్ర దర్శకుడు చందు మొండేటి కూడా ఈ సినిమాను ప్రతిష్టాత్మకంగా తీసుకుంటున్నారు.