OTT Movies : ఈ వారం ఓటీటీలో చిన్న సినిమాలదే హవా..

OTT Movies

OTT Movies : ప్రతి వేసవిలో పెద్ద హిరోల సినిమాలు తెలుగులో సందడి చేసేవి. కానీ ఎందుకో ఈ సారి ఒక్క పెద్ద హిరో సినిమా కూడా విడుదల కాలేదు. పాన్ ఇండియా హిరో ప్రభాస్ మూవీ  కల్కి మే 9న రిలీజ్ చేస్తామని ప్లాన్స్ వేసుకున్నా.. చివరకు జూన్ లో విడుదల చేయాలని నిర్మాతలు డిసైడ్ అయ్యారు. దీంతో వేసవిలో ఇప్పటి వరకు పెద్ద హిరో మూవీ విడుదల కాలేదు. తెలుగు సినీ ప్రేక్షకులను  ఈ సమ్మర్  లో బడా హిరోలు నిరాశపరిచారు.

మేమున్నామంటూ చిన్న సినిమాలు ఈ వారంలో ఓటీటీలో, థియేటర్లలో  అలరించడానికి ముందుకు వస్తున్నాయి. జీవిత రాజశేఖర్ కూతురు శివానీ నటించిన విద్యా మూవీ నేరుగా ఆహాలో స్ట్రీమింగ్ కానుంది. ఈ చిత్రంలో రాహుల్ విజయ్ హిరోగా నటిస్తున్నాడు. ఈ సినిమాను మణికాంత్ గెల్లి డైరెక్ట్ చేయగా.. మే 17 న ఆహాలో విడుదల కానుంది.

అక్కడున్న వారు ఇక్కడ ఉన్నారు అనే మూవీని మే 17న విడుదల చేయనుండగా.. ఆత్మల చుట్టూ సాగే కథాంశం అని తెలుస్తోంది. ఇందులో ప్రధాన పాత్రల్లో ఎస్వీ రమణ, సాయి హర్షిణి, కేవీ రమణ నటించారు.  కందుర్తి త్రివిక్రమ రావు ఈ మూవీకి దర్శకత్వం వహించారు.  ప్రదీప్ అల్లు డైరెక్ట్ చేసిన దర్శిని అనే మూవీ థ్రిల్లర్ జానర్ లో ప్రేక్షకులను అలరించేందుకు ముందుకు వస్తుంది.

నర్రా శివనాగు డైరెక్షన్ లో నటరత్నాలు అనే కామెడీ మూవీ తెరకెక్కింది. ఈ మూవీలో రంగస్థలం ఫేమ్ మహేశ్, తాగుబోతు రమేశ్, సుదర్శన్, ఇనయా సుల్తానా, అర్చన లాంటి నటీనటులు కనిపించనున్నారు.  ఈ సినిమాపై అంచనాలు పెరిగిపోయాయి. ఓటీటీలో కామెడీని ప్రేక్షకులు ఎలా ఆదరిస్తారనేది కాస్త సస్పెన్స్ గా ఉంది. జబర్దస్త్ కమెడియన్ గెటప్ శ్రీను ప్రధాన పాత్రలో నటించిన చిత్రం రాజు యాదవ్ మే 17 న ప్రేక్షకుల ముందుకు రానుంది. దీంతో 2005 లో హిరో విక్రమ్ ప్రధాన పాత్రలో సూపర్ హిట్ సాధించిన అపరిచితుడు మే 17న థియేటర్లలో రిరీలిజ్ కానుంది.