Sonia Akula : నాగార్జున చెప్పిన సోనియా ఆకుల లవర్ యష్ వీర్ ఇతడే
Sonia Akula
Bigg Boss Sonia Akula : బిగ్ బాస్ తెలుగు సీజన్ 8 ప్రస్తుతం నడుస్తోంది. ముక్కు మొఖం తెలియని కంటెస్టెంట్స్ ని తీసుకొచ్చారని మొదట్లో జనాలు ఒకింత అసహనం వ్యక్తం చేసిన మాట వాస్తవమే. కానీ అన్ లిమిటెడ్ ఎంటర్‌టైన్‌మెంట్ కాన్సెప్ట్‌తో, ఊహించని ట్విస్ట్‌లతో ప్రేక్షకుల్లో రోజురోజుకు క్యూరియాసిటీని పెంచుతున్నారు నిర్వాహకులు. ఇప్పటికే 32 రోజులు గడిచిపోయాయి. మొదటి రోజు 14 మంది కంటెస్టెంట్లు హౌస్‌లోకి ప్రవేశించగా, మొదటి వారంలో బేబక్క, రెండవ వారంలో శేఖర్ బాషా, మూడవ వారంలో అభయ్, నాలుగో వారంలో సోనియా ఎలిమినేట్ అయ్యి హౌస్ నుండి బయటకు వచ్చారు. అయితే ఈ వారం డబుల్ ఎలిమినేషన్ ఉంటుందని గత ఆదివారం నాగార్జున ప్రకటించిన సంగతి తెలిసిందే. ఒక మిడ్‌వీక్ ఎలిమినేషన్, ఆదివారం మరో ఎలిమినేషన్ ఉంటుందని చెప్పారు. నాగ్ చెప్పినట్లే గురువారం రాత్రి అతను ఊహించని విధంగా బిగ్ బాస్ హౌస్ నుండి ఒక బలమైన కంటెస్టెంట్‌ బయటకు పంపారు.
ఇది ఇలా ఉంటే బిగ్ బాస్ లో నాలుగో వారంలో ఎలిమినేట్ అయిన సోనియా ఆకుల వ్యవహారం వివాదాస్పదంగా మారిన సంగతి తెలిసిందే. అయితే సోనియా ఆకుల ఇప్పటికే రిలేషన్ షిప్ లో ఉన్నారు. హౌసులో ఉండగా నాగార్జున ఇచ్చిన హింట్స్ ప్రకారం.. అతని పేరు యశ్ వీర్. సోనియా కూడా తన ప్రేమకథ గురించి ప్రేరణకు ఇంట్లో చెప్పడం మనం చూసే ఉన్నాం. తాను రిలేషన్ షిప్ లో ఉన్నానని చెప్పింది కానీ.. పెళ్లికి ఆలస్యం ఎందుకు వచ్చిందని అడగ్గా.. సీక్రెట్ ప్రేరణ చెవిలో చెప్పింది.
అయితే నెటిజన్లు మాత్రం సీక్రెట్‌ను ఛేదించి కొన్ని వివరాలను పట్టుకున్నారు. అందులో ఎంత నిజం ఉందో తెలియదు కానీ.. సోనియా ప్రేమించిన వ్యక్తి.. పెళ్లి చేసుకోబోయే వాడికి ఇప్పటికే పెళ్లైందని.. పిల్లలు కూడా ఉన్నారని.. తాను ఎన్నారై అని. తన వ్యాపార కార్యక్రమాలను చూసుకునే బాధ్యతను సోనియాకు అప్పగిస్తే.. ఆమె తన కార్యక్రమాలను చూసుకుంటూ.. చివరికి అతడ్ని ప్రేమించిందని, పెళ్లికి కూడా సిద్ధమైందని సోషల్ మీడియాలో వార్తలు హల్ చల్ చేస్తున్నాయి. అయితే ఈ వ్యవహారంలో అసలు నిజాలు తెలియాల్సి ఉంది. ఇది ఇలా ఉంటే ఓ యూట్యూబ్ ఛానెల్ అతడి వివరాలను బహిర్గతం చేసింది.
వరంగల్ లోని మారుమూల గ్రామం నుంచి అమెరికాకు వెళ్లి అక్కడ పదుల సంఖ్యలో కంపెనీలు పెట్టాడని తెలిసింది. అంతే కాకుండా మూడేళ్ల కిందటే ఇండియాకు వచ్చి ఇక్కడ కూడా పలు కంపెనీలు నిర్వహిస్తున్నట్లు తెలుస్తోంది. ఫైహై సంస్థ, టూరిజం సంస్థలు స్థాపించి భారీగా ఆదాయం సంపాదిస్తున్నట్లు తెలుస్తోంది.