India Squad
India Squad : 2024 ఐసీసీ పురుషుల T20 వరల్డ్ కప్ కోసం ఇండియా టీమ్ ను భారత క్రికెట్ నియంత్రణ మండలి (బీసీసీఐ) మంగళవారం ప్రకటించింది. రోహిత్ శర్మను కేప్టెన్ గా, డైనమిక్ ఆల్ రౌండర్ హార్దిక్ పాండ్యాను వైస్ కెప్టెన్ గా నియమించింది. వీరితో పాటు వికెట్ కీపర్ రిషబ్ పంత్, ఇటీవల బ్యాటింగ్ తో మెరుపులు కురిపిస్తున్న సంజూ శాంసన్, చాకచక్యమైన లెగ్ స్పిన్నర్ యుజ్వేంద్ర చాహల్, ప్రామిసింగ్ బ్యాటింగ్ టాలెంట్ శుభమన్ గిల్ తో సహా అనుభవజ్ఞులు, యంగ్ ప్లేయర్స్ ను కూర్చింది బీసీసీఐ.
జూన్‌ 2 నుంచి T20 వరల్డ్ కప్ ప్రారంభంకానుంది. ఈ మెగా టోర్నీ కోసం అజిత్ అగార్కర్‌ నేతృత్వంలోని సెలెక్షన్‌ కమిటీ టీమ్ ఇండియాను ఎంపిక చేసింది. ఈ సారి టీ20కి యూఎస్‌ఏ, వెస్టిండీస్‌ సంయుక్తంగా ఆతిథ్యం ఇస్తున్నాయి. టీమిండియా తన తొలి మ్యాచ్ ను జూన్‌ 5వ తేదీ ఐర్లాండ్‌తో తలపడనుంది. వరల్డ్ కప్ ఫస్ట్ మ్యాచ్ అమెరికాతో కెనడా ఢీ కొట్టనుంది. ‘గ్రూప్‌ ఏ’లో ఉన్న భారత్‌-పాక్‌ జట్లు న్యూయార్క్‌ వేదికగా జూన్‌ 9న హోరా హోరీ తలపడనున్నాయి. ఈ సిరీస్‌లో 20 జట్లు తలపడుతున్నాయి. అమెరికాలో మూడు, వెస్టిండీస్‌లో ఆరు వేదికల్లో మొత్తం 55 మ్యాచ్‌లు జరగనున్నాయి. ఫైనల్‌ మ్యాచ్ జూన్‌ 29న ఉండనుంది.
భారత జట్టు..
రోహిత్ శర్మ (కెప్టెన్), విరాట్ కోహ్లీ, యశస్వి జైస్వాల్, సూర్యకుమార్ యాదవ్, రిషబ్ పంత్(వికెట్ కీపర్), సంజూ శాంసన్(వికెట్ కీపర్), హార్దిక్ పాండ్యా(వైస్ కెప్టెన్), శివం దూబే, రవీంద్ర జడేజా, అక్షర్ పటేల్, కుల్దీప్ యాదవ్, యజువేంద్ర చాహల్, అర్ష్దీప్, జస్ప్రీత్ బుమ్రా, సిరాజ్. రిజర్వ్ ఆటగాళ్లు – శుభ్మన్ గిల్, రింకు సింగ్, ఖలీల్ అహ్మద్, అవేష్ ఖాన్.
🚨India’s squad for ICC Men’s T20 World Cup 2024 announced 🚨
Let’s get ready to cheer for #TeamIndia #T20WorldCup pic.twitter.com/jIxsYeJkYW
— BCCI (@BCCI) April 30, 2024