SS Rajamouli : రాజమౌళి సినిమాల సక్సెస్ సీక్రెట్ ఇదేనట..

 దర్శకుడిగా తన తొలి సినిమా ఎన్టీఆర్ తో స్టూడెంట్ నెంబర్ వన్  చేసి సూపర్ డూపర్ హిట్ కొట్టాడు. మళ్లీ తన రెండో సినిమా కూడా ఎన్టీఆర్ తోనే చేసి ఇండస్ర్టీ రికార్డులు బద్దలు కొట్టాడు. అప్పటి వరకు చిరంజీవి, బాలకృష్ణ లాంటి టాప్ హీరోల పేరిట ఉన్న రికార్డులను తిరగరాశారు.  ఇక  రాజమౌళి తెరకెక్కించిన సినిమాల్లో ఒక్కటి కూడా ఫ్లాప్ కాలేదు. అంతలా సినిమా కోకోసం కష్టపడుతాడు.  ప్రతి సీన్ కు సంబంధించి ముందుగానే రిహార్సల్స్ చేయిస్తాడు.  ప్రతి క్యారెక్టర్ కు సంబంధించి ముందుగానే స్కెచ్ లు వేసుకుంటాడు.  తాను అనుకున్నట్లు సీన్ రాకుంటే రీ షూట్ చేసేందుకూ వెనుకాడడు.   

 రాజమౌళి తన సినిమాకు సంబంధించిన ప్రతి చిన్న విషయాన్ని కూడా చాలా సీరియస్ గా తీసుకుంటాడు.  అయితే సినిమా షూటింగ్ మొదలు పెట్టే ముందు రోజు మాత్రం  అసలు ఆ  సినిమా గురించే ఆలోచించడట.  అలా ఆలోచిస్తే  సినిమా బాగా రాదని తన అభిప్రాయమట. ప్రశాంతంగా రాత్రంతా నిద్రపోయి తెల్లారి ఫ్రెష్ మైండ్ తో పూజ చేసుకొని షూటింగ్ కి వెళ్లడం,  వర్క్ స్టార్ట్ చేయడం ఇదే తనకు ఇష్టమట.  ఇలా చేస్తే ఎంత ప్రాజెక్టు అయినా అవాంతరాలు లేకుండా కంప్లీట్ అవుతుందని రాజమౌళి అభిప్రాయం. షూటింగ్ స్టార్ట్ చేసే ముందు రోజు రాత్రి టెన్షన్ పడి  రాత్రంతా నిద్రమానుకుంటే సినిమా బాగా రాదని రాజమౌళి నమ్మకం.అందుకే తన సినిమాల విషయంలో ప్రతిసారి ఇదే విధానాన్ని అనుసరిస్తాడట. అందుకే రాజమౌళి తెరకె క్కించిన సినిమాలలన్నీ సూపర్ డూపర్ హిట్ అవుతాయంటున్నారు ఆయన అభిమానులు..!!