Rajasaab : రాజాసాబ్ పై డార్లింగ్ ఫ్యాన్స్ రియాక్షన్ ఇదే

Rajasaab

Rajasaab : చిన్న సినిమాతో డైరెక్టర్ గా ఎంట్రీ ఇచ్చిన మారుతి మంచి పేరు తెచ్చుకున్నాడు. చిన్న సినిమాలతోనే పెద్ద విజయాలు సాధించాడు. పెద్ద సినిమాలు సాధించలేని విజయాలను తన చిన్న సినిమాల సక్సెస్ తో నిరూపించాడు. కెరీర్ ఆరంభంలో మారుతి చేసిన తొలి మూడు  చిత్రాలు లో బడ్జెట్ మూవీసే. కానీ సక్సెస్ మాత్రం పెద్ద సినిమాలకు ఏ మాత్రం తీసిపోలేదు.  టాలెంటెడ్ డైరెక్టర్ గా ఇమేజ్ తెచ్చుకున్న మారుతి హర్రర్ కామెడీ జోనర్ కి క్రేజ్ తీసుకొచ్చాడు. యూత్ అల్లరిని అద్భుతంగా తెరకెక్కించి సక్సెస్ అయ్యాడు.  అడల్ట్ కామెడీ జోనర్ కథలకు ‘ఈ రోజుల్లో’ సినిమాతో ట్రెండ్ ను సెట్ చేశాడు. మతిమరుపు తో  క్యారెక్టర్లతో ఎలా ఫన్ జెనరేట్ చేయొచ్చొ భలే భలే మగాడివోయ్ సినిమాతో నిరూపించాడు. సహజత్వానికి దగ్గరగా ఉండే అంశాలను ప్రధానాంశంగా  తీసుకొని తెరపై హీరో క్యారెక్టరైజేషన్ తో కామెడీని పండించడంలో మారుతి దిట్ట.

నాని, వెంకటేష్, గోపీచంద్ లాంటి స్టార్ హీరోలతో సినిమాలు చేసిన మారుతి ప్రస్తుతం పాన్ ఇండియా రెబల్ స్టార్ ప్రభాస్ తో రాజాసాబ్ చేస్తున్న విషయం తెలిసిందే. నానితో చేసిన భలేభలే మగాడివోయ్ సినిమా తర్వాత మారుతికి అన్ని ఫ్లాప్ లే. వెంకటేష్ తో చేసిన బాబు బంగారం, గోపీచంద్ తో చేసిన పక్కా కమర్షియల్ సినిమాలు డిజాస్టర్ గా మిగిలాయి.
ఈ ఫెయిల్యూర్స్ ను పట్టించుకోని ప్రభాస్ మారుతికి అవకాశం ఇచ్చాడు. అప్పటికే పాన్ ఇండియా సినిమాలను లైన్ లో పెట్టిన ప్రభాస్ మారుతి తో టై అప్ కావడంతో అభిమానులు జీర్ణించుకోలేకపోయారు. మళ్లీ టాలీవుడ్ కకే పరమితమవుతాడా అని అభిమానులు అనుమానాలు వ్యక్తం చేశారు.

 అయితే రాజాసాబ్ కూడా  పాన్ ఇండియా సినిమా రేంజ్ లోనే తెరకెక్కిస్తుండడంతో అభిమానుల శాంతించారు.అయితే ప్రస్తుతం ప్రభాస్ చేస్తున్న సినిమాల స్థాయిలో రాజాసాబ్ ఉంటుందా అని సంశయించారు. కానీ గ్లింప్స్ విడుదలయ్యాక అభిమానులు ఆనందం పట్టలేకపోతున్నారు.  ప్రభాస్ లుక్ అద్భుతంగా ఉందని కితాబిస్తున్నారు. ఇప్పటి దాకా మాస్ లుక్ లో కనిపించిన ప్రభాస్ ఒక్కసారిగా క్లాస్ లుక్కులో కనిపించడంతో ఉబ్బితబ్బిబవుతున్నారు.   మొన్నటి దాకా ప్రభాస్ రిస్క్ చేస్తున్నాడని విమర్శించినోళ్లకు మారుతి ఒక్క గ్లింప్స్ తో సమాధానమిచ్చాడు. మారుతి మరీ ఈ రేంజ్ లో ప్రభాస్ ను చూపిస్తాడని అనుకోలేదని ఫ్యాన్స్ పాజిటివ్ గా స్పందిస్తున్నారు.