Top-10 films 2024
Top-10 films : ఎప్పటిలాగే ఈ ఏడాది ప్రథమార్థంలో పలు అద్భుతమైన చిత్రాలు విడుదల అయ్యాయి. మరిన్ని సినిమాలు రిలీజ్ కానున్నాయి. ఇప్పటికే రిలీజ్ కావాల్సిన కొన్ని సినిమాలు వాయిదా పడ్డాయి. అయితే ఇందులో కొన్ని మరింత వాయిదా పడగా, మరికొన్ని సినిమాలు ముందుకు జరిగాయి. 2024 ప్రథమార్థంలో సక్సెస్ రేట్ తక్కువగానే ఉంది. కానీ కొన్ని సినామాలు అనూహ్య విజయాలు సాధించాయి. మరికొన్ని అంచనాలు అందుకోలేక చతికిల పడ్డాయి. ఈ సంవత్సరంలో ఇప్పటి వరకు విడుదలైన వాటిలో పాపులర్ గా కొన్ని చిత్రాలు నిలిచాయి.
2024లో ఇప్పటి దాకా విడుదలైన చిత్రాల్లో మోస్ట్ పాపులర్ సినిమాల లిస్టును ఐఎండీబీ (IMDb) పంచుకుంది.
థియేటర్లతో పాటు ఓటీటీలో బ్లాక్ బస్టర్ హిట్లుగా నిలిచిన చిత్రాల జాబితాను వెల్లడించింది. ఈ జాబితాలో చోటు దక్కించుకున్న ఆ సినిమాలు ఏవి, ఏయే భాషలకు చెందిన చిత్రాలు టాప్ లో నిలిచాయో తెలుసుకుందాం.
రెబల్ స్టార్ ప్రభాస్ నటించిన ‘కల్కి 2898AD’ దేశవిదేశాల్లో సంచలన విజయం నమోదు చేసింది. ఈ సినిమా
టాప్‌లో నిలిచింది. ఆ తర్వాత స్థానంలో మలయాళ చిత్రం మంజుమ్మల్ బాయ్స్ ఉంది. ఇక హృతిక్ రోషన్ నటించిన ఫైటర్ సినిమా మూడో స్థానంలో ఉంది. టాలీవుడ్ దర్శకుడు ప్రశాంత్ వర్మ, తేజా సజ్జా కాంబినేషన్ వచ్చిన హనుమాన్ అనూహ్య విజయం సాధించిన విషయం తెలిసిందే. ఈ సినిమా పాపులర్ చిత్రాల జాబితాలో నాలుగో స్థానంలో నిలిచింది.
ఇక హిందీలో అజయ్ దేవగన్, తమిళ హీరో మాధవన్ కాంబినేషన్ వచ్చిన షైతాన్ ఐదో స్థానంలో ఉంది. హిందీలో చిన్న చిత్రంగా విడుదలపై సంచలన విజయం నమోదు చేసిన లాపతా లేడీస్ ఆరో స్థానంలో ఉన్నాయి. ఇక వీటి తర్వాత స్థానాల్లో ఆర్టికల్ 370, ప్రేమలు, ఆవేశం, ముంజ్య సినిమాలు నిలిచాయి. ఇక ప్రేక్షకులు అత్యత ఆసక్తిగా ఎదురు చూస్తున్న చిత్రాల్లో పుష్ప-2 మొదటి స్థానలో ఉన్నది. ఆ తర్వాత ఎన్టీఆర్ దేవర పార్ట్-1, వెల్కమ్ టు ద జంగిల్ సహా మరికొన్ని సినిమాల కోసం ప్రేక్షకులు ఎంతో ఆసక్తిగా ఎదురుచూస్తున్నట్లు ఐఎండీబీ సంస్థ ప్రటిచింది.