Kalki
Kalki : ప్రభాస్ మూవీ వస్తుందంటే చాలు ఫ్యాన్స్ ఎలా ఎదురుచూస్తారో మనకు తెలిసిందే. ప్రభాస్ మూవీ చిన్న అప్ డేట్ కూడా తెగ వైరల్ అయిపోతుంటుంది. ఇక తాజా చిత్రం కల్కి 2898 ఏడీ గురించి ఏ అప్ డేట్ వచ్చినా సోషల్ మీడియా బ్లాస్ట్ అయిపోతోంది. ఈ ఏడాది మే 9న రిలీజ్ చేసేందుకు సినిమాను షెడ్యూల్ చేశారు మూవీ మేకర్స్. కానీ దేశ వ్యాప్తంగా సార్వత్రిక ఎన్నికల సందడి ఉండడంతో సినిమాను వాయిదా వేస్తారనే ప్రచారం జరుగుతోంది. అయితే దీనిపై ఎలాంటి అధికారిక ప్రకటన రాలేదు.
ఇప్పటికే జనవరి నుంచి మే నెలకు షిఫ్ట్ అయిన ఈ చిత్రం మళ్లీ వాయిదా పడే అవకాశాలు ఉండడంతో ఫ్యాన్స్ అప్ సెట్ అవుతున్నారు. ఈక్రమంలో ఓ గుడ్ న్యూస్ అయితే వినిపిస్తోంది. ఈ వారంతో ప్రభాస్ తన షూటింగ్ పార్ట్ ను పూర్తిచేసుకుంటున్నారు. ఇటలీలో స్పెషల్ సాంగ్ చేసి హైదరాబాద్ కు వచ్చిన ప్రభాస్ తో చిన్న చిన్న ప్యాచ్ వర్క్ లు అన్నీ పూర్తి చేయబోతున్నారట.
ఆ షెడ్యూల్ తర్వాత ప్రభాస్ కల్కి పార్ట్ 1 కు సంబంధించిన షూటింగ్ ను మొత్తం పూర్తి చేసుకున్నట్టేనంటున్నారు. ఈ చిత్రంలో దీపికా పడుకునే, దిశా పటానీ, అమితాబ్, కమల్ హాసన్, దుల్కర్ సల్మాన్ కీలక పాత్రల్లో నటిస్తున్నారు.