T20 World Cup 2026
T20 World Cup 2026 : మొన్నటి టీ-20 వరల్డ్ కప్ గెలిచిన సంబరాలు భారత్ లో ఇంకా ముగియనే లేదు. క్రికెట్ ఫ్యాన్స్ అంతా అదే జోష్ లోనే ఉన్నారు. ఇదిలా ఉండగానే అభిమానులకు మరింత కిక్ ఇచ్చే న్యూస్ వచ్చేసింది. 2026 టీ-20 వరల్డ్ కప్ భారత్, శ్రీలంక జరుగబోతుందని, మ్యాచ్ ల స్వరూపాన్ని ఇవాళ ఐసీసీ ప్రకటించింది.
ఇటీవల ముగిసిన పొట్టి కప్ మాదిరిగానే రెండు ప్రాథమిక రౌండ్లు, నాకౌట్ గా టోర్నీ ఉంటుంది. 2024 తరహాలోనే 2026 లోనూ 20 జట్లు పోటీ పడుతాయి. 2026లో టీ-20 ప్రపంచకప్ లో మొత్తం 12 జట్లకు నేరుగా అర్హత లభించనుంది. ఆతిథ్య జట్ల హోదాలో భారత్, శ్రీలంకతో పాటు రన్నరప్ హోదాలో దక్షిణాఫ్రికాకు నేరుగా అవకాశం లభించింది.
2024 టీ-20 వరల్డ్ కప్ లో సూపర్-8కు అర్హత సాధించిన అఫ్గానిస్తాన్, ఆస్ట్రేలియా, బంగ్లాదేశ్, ఇంగ్లాండ్, వెస్టిండీస్, అమెరికా వచ్చే ప్రపంచ కప్ నకు నేరుగా క్వాలిఫై అయ్యాయి. ఈసారి సూపర్-8కు చేరుకోలేకపోయినప్పటికీ జూన్ 30 నాటికి టీ-20 ర్యాంకింగ్స్ ఆధారంగా న్యూజిలాండ్ (6వ ర్యాంకు), పాకిస్తాన్ (7వ ర్యాంకు), ఐర్లాండ్ (11వ ర్యాంకు), ఐర్లాండ్ (11వ ర్యాంకు) 2026 టీ-20 వరల్డ్ కప్ కు అర్హత సాధించాయి. మరో 8 జట్ల ఎంపిక కోసం ప్రపంచ వ్యాప్తంగా క్వాలిఫయింగ్ టోర్నీలు జరుగుతాయి. ఐసీపీ ఈ ప్రకటన వెల్లడించడంతో భారత క్రికెట్ అభిమానులు ఎంతో సంబురపడుతున్నారు. వచ్చే వరల్డ్ కప్ కూడా మనదే అంటున్నారు.