RGV : ఇదే తొలిసారి అంటూ.. ఆర్జీవి షేర్ చేసిన పోస్ట్ వైరల్

RGV Saree

RGV Saree : తనకు నచ్చిన పాయింట్ తో సినిమాను తెరకెక్కించడం సెన్సేషనల్ డైరెక్టర్ రామ్ గోపాల్ వర్మకే సాధ్యం. సీరియల్ కిల్లర్, గ్యాంగ్ స్టర్,  రోమాంటిక్..  జానర్ ఏదయినా తనకు నచ్చిన బ్యాక్ డ్రాప్ లో సినిమాలు చేస్తూ ముందుకు సాగుతున్నారు ఆర్జీవీ. బిగ్ బీ అమితాబ్ నుంచి చిన్న ఆర్టిస్టు వరకు రామ్ గోపాల్ వర్మ సినిమాలో చేయాలని ఉవ్విళ్లూరుతుంటారు.

బాలీవుడ్ సినిమా దిశ మార్చిన రామ్ గోపాల్ వర్మ  చీరలో కనిపించిన ఓ అమ్మాయి అందానికి దాసోహమయ్యాడు. వెంటనే ఆమె అడ్రస్ వెతుక్కొని మరీ ఆమెను హీరోయిన్ పెట్టి సినిమా మొదలు పెట్టాడు వర్మ. ఆ సినిమానే  శారీ.. ఈ సినిమాతో  కేరళకు చెందిన మోడల్ శ్రీలక్ష్మి అలియాస్ ఆరాధ్య దేవిని తెలుగు ఇండస్ట్రీకి ఇంట్రడ్యూస్ చేస్తున్నారు.  ఈ చిత్రాన్ని గిరి కృష్ణకమల్ తెరకెక్కిస్తున్నాడు. ఆర్జీవి సమర్పణలో ఈ చిత్రం ప్రేక్షకుల ముందుకు రాబోతున్నది. ఈ మూవీలో సత్య యాదు, ఆరాధ్య దేవి జంటగా నటిస్తున్న విషయం తెలిసిందే.

ఇటీవల శారీ మూవీకి సంబంధించిన టీజర్‌ విడుదల చేయగా, సినిమాకు మరింత హైప్ వచ్చింది. తాజాగా, ఆర్జీవీ ఎక్స్ వేదికగా శారీ చిత్రానికి సంబంధించిన అప్డేట్ వెల్లడించారు. ఈ మూవీలోని ‘ఐ వాంట్ లవ్’ అనే పాట ప్రొమో షేర్ చేశాడు. ‘‘సినీ చరిత్రలోనే ఇలా జరగడం తొలిసారి అని కోట్ జత చేశాడు.

శారీ సినిమాకు సంబంధించిన పాటను ఏఐ ద్వారా మూడు వెర్షన్లలో విడుదల చేయనున్నట్లు పోస్టర్  ద్వారా ప్రకటించారు. అక్టోబర్ 17న సాయంత్రం 5 గంటలకు సాంగ్ రాబోతుంది’’ అని రాసుకొచ్చారు. అంతేకాకుండా మూడు వెర్షన్లలో ప్రోమోలను నెట్టింట షేర్ చేశాడు. ఆర్జీవీ చేసిన ట్వీట్ సోషల్ మీడియాలో సంచలనం సృష్టిస్తున్నది. సాంగ్ ప్రొమో కుర్రకారుకు పిచ్చెక్కిస్తున్నది. ఆరాధ్య హద్దులు దాటి చేసిన ఎక్స్‌పోజింగ్‌ కు యూత్ షాకవుతున్నది. ఈ సినిమాషూటింగ్ శరవేగంగా సాగుతున్నది. పాన్ ఇండియా మూవీగా వచ్చే నెలలో విడుదల చేయబోతున్నట్లు సమాచారం.