polygraph test on Kolkata Doctor Muder case Accused
polygraph test : దేశవ్యాప్తంగా సంచలనం రేపిన కోల్‌కతా వైద్యురాలిపై హత్యాచారం ఘటనపై సీబీఐ అధికారులు విచారణ చేపట్టారు. ఈ కేసులో ప్రధాన నిందితుడు సంజయ్ రాయ్‌ను కోర్టు 14 రోజుల కస్టడీకి పంపింది. ఆయనను కోల్‌కతాలోని ప్రెసిడెన్సీ జైలులో ఉంచారు. ఈ కేసులో నిందితులకు కోర్టు అనుమతితో సీబీఐ అధికారులు పాలిగ్రాఫ్ టెస్ట్ నిర్వహించారు. సంజయ్ రాయ్, ఆర్జీ కర్ మెడికల్ కాలేజీ మాజీ ప్రిన్సిపాల్ సందీప్ ఘోష్, ఘటన జరిగిన రోజు విధుల్లో ఉన్న మరో నలుగురు వైద్యులు, మరో వాలంటీర్ ఉన్నారు. ఢిల్లీ నుంచి రప్పించిన సెంట్రల్ ఫోరెన్సిక్ ల్యాబ్ నిపుణుల బృందం శని, ఆదివారాల్లో ఈ లై డిటెక్టర్ పరీక్షలను నిర్వహించింది. అయితే ఈ లై డిటెక్టర్ నివేదికను సీబీఐ అధికారులు గోప్యంగా ఉంచారు.
ఈ పాలీగ్రాఫ్ పరీక్షలో నిందితులు చెప్పిన విషయాలపై సంబంధిత అధికారులను ఉటంకిస్తూ వార్తలు వస్తున్నాయి. లై డిటెక్టర్ పరీక్షలో నిందితుడు సంజయ్ రాయ్ తప్పుడు సమాధానాలు చెప్పాడు. ఒకరికొకరు పొంతన లేని సమాధానాలు చెప్పినట్లు తెలుస్తోంది. ఆస్పత్రిలోని సెమినార్ హాల్‌లోకి వెళ్లేసరికి డాక్టర్ చనిపోయాడని సంజయ్ రాయ్ చెప్పినట్లు సమాచారం. పాలిగ్రాఫ్ పరీక్షలో సంజయ్ రాయ్ అజాగ్రత్తగా, ఆందోళనగా కనిపించినట్లు సంబంధిత అధికారులు పేర్కొన్నట్లు తెలుస్తోంది. అధికారులు అడిగిన ప్రశ్నలకు అవాస్తవ, నమ్మశక్యం కాని సమాధానాలు చెప్పినట్లు తెలుస్తోంది.
ఇక సీబీఐ అధికారులు నిందితులకు ఆధారాలు చూపగా.. ఆ సమయంలో తాను లేడని సంజయ్ రాయ్ పేర్కొనడం చర్చనీయాంశంగా మారింది. సంజయ్ రాయ్ వెళ్లేసరికి డాక్టర్ చనిపోయాడని చెప్పినట్లు రిపోర్టులు వెల్లడించాయి. మరోవైపు పాలీగ్రాఫ్ పరీక్షలో నిందితుడు సంజయ్ రాయ్ నేరం చేయడానికి ముందే ఇద్దరు స్నేహితులతో కలిసి రెడ్ లైట్ ఏరియాకు వెళ్లినట్లు తెలిపాడు. అక్కడ సంభోగం జరుగలేదని చెప్పినట్లు ప్రముఖ మీడియా పేర్కొంది. సంజయ్ దారిలో ఆ మహిళను వేధించాడని, తన గర్ల్ ఫ్రెండ్ తో న్యూడ్ వీడియోకాల్ మాట్లాడినట్లు సమాచారం. పాలీగ్రాఫ్ టెస్ట్ ఎక్కడ నిర్వహిస్తారనే దానిపై అధికారులు ముందస్తు సమాచారం ఇవ్వలేదని.. ఇది మానవ హక్కుల ఉల్లంఘన కిందకు వస్తుందని నిందితుల తరఫు న్యాయవాది వాదించారు.