Couple Song : ఈ కపుల్ సాంగ్ కు అన్ని రికార్డులు బద్దలే..

Couple Song

Couple Song : ఐకాన్ స్టార్ అల్లు అర్జున్ ,క్రియేటివ్ డైరెక్టర్ సుకుమార్ కాంబినేషన్ లో వస్తున్న పుష్ప-2  నుంచి మరోసాంగ్ బయటకు వచ్చేసింది. ఈ సాంగ్ లిరిక్ అదిరిపోయింది. తన భర్తపై ప్రేమను చాటుకుంటూ పాడే పాటగా అర్థమవుతున్నది. ఈపాటకు సంబంధించిన వీడియో అంతా సెట్లో రిహార్సల్ టైమ్ లో షూట్ చేసిందే. అయితే రిహార్సల్స్ లో గణేష్ మాస్టర్ ను కంపోజ్ చేసిన నృత్య రీతులు ఆకట్టుకుంటున్నాయి. రిహార్సల్ స్టెప్సే ఇలా ఉంటే..పాట ఒరిజినల్ గా తెరమీద ఎలా ఉంటుందో చెప్పనక్కర్లేదు. పార్ట్-1లో ప్రతి పాట ఆడియో పరంగా, విజువల్ పరంగా సూపర్ హిట్టే. ఇందులోని పాటలు అంతకు మించి ఉండేలా పక్కా అని తెలుస్తున్నది. మరో విజువల్ ఫీస్ట్ రాబోతుందని చెప్పవచ్చు.

పాన్ ఇండియా స్థాయిలో పుష్ప-ది రైజ్  ఏ రేంజ్ లో హిట్టయ్యిందో అందరికీ తెలిసిందే. పుష్ప ది రూల్ కూడా అంతకు మించి ఉంటుందని టీమ్ ఎప్పటి నుంచో చెబుతున్నది. ఒక్కో విజువల్ చూస్తుంటే నిజంగానే ప్రేక్షకులను మరింతగా ఆకట్టుకునేలా ఉండబోతున్నదని స్పష్టమవుతున్నది. ఈ సినిమాను మైత్రి మూవీ మేకర్స్  పార్ట్ -2 ను మరింత పకడ్బందీగా, భారీ స్థాయిలో తెరకెక్కిస్తున్నారు. మొదటి పార్ట్ కు సంగీతం అందించిన రాక్ స్టార్ దేవిశ్రీ మరోసారి  తన మ్యూజిక్ తో మ్యాజిక్ చేయబోతున్నాడు. ఇప్పటికే ఈ సినిమా నుంచి రిలీజ్ చేసిన పోస్టర్లు, టీజర్ మూవీపై మరింత అంచనాలు పెంచేస్తున్నది.

ఇటీవల ఈ మూవీ నుంచి పుష్ప.. పుష్ప అంటూ సాగే పాట విడుదల కాగా, ప్రేక్షకులను ఎంతగానో ఆకట్టుకుంటున్నది. సోషల్ మీడియాలో ట్రెండింగ్ లో ఉన్నది. తాజాగా ఈ సాంగ్ 100 మిలియన్ వ్యూస్ సాధించి సరికొత్త రికార్డు క్రియేట్ చేసింది. ఇదిలా ఉండగా మే 29న ఉదయం 11 .07 గంటలకు ఈ మూవీ నుంచి సెకండ్ సింగిల్ రిలీజ్ చేశారు మేకర్స్. ఈ సాంగ్  ప్రేక్షకులను  విపరీతంగా ఆకట్టకుంటున్నది.  ’సూసేకి అగ్గి రవ్వ మాదిరి ఉంటాడే నా సామి “అంటూ ఓ భార్య తన భర్త గురించి పాడుకునే పాటగా అర్థమవుతున్నది.  లిరిక్ కు తగ్గట్టుగా శ్రేయ ఘోషల్ పాడిన తీరు అద్భుతం. ఇక దేవిశ్రీ మ్యూజిక్ గురించి ప్రత్యేకంగా చెప్పనక్కర్లేదు. ఈ పాటకు ప్రాణం పోశాడు.  ఈ కపుల్ సాంగ్ మరెన్ని రికార్డులు సృష్టిస్తుందో చూడాల్సిందే.