mahesh babu guntur kaaram
Guntur Kaaram : సూపర్ స్టార్ మహేష్ బాబు హీరో గా నటించిన ‘గుంటూరు కారం’ చిత్రానికి సంబంధించిన థియేట్రికల్ ట్రైలర్ నిన్న రాత్రి విడుదలై సోషల్ మీడియా ని బ్లాస్ట్ చేస్తూ, రికార్డు స్థాయి వ్యూస్ తో ముందుకు దూసుకుపోతున్న సంగతి మన అందరికీ తెలిసిందే. మహేష్ బాబు ని మాస్ యాంగిల్ లో చూసి ఫ్యాన్స్ మరియు ఆడియన్స్ ఫుల్ జోష్ మీద ఉన్నారు. ఆయన మార్క్ వింటేజ్ కామెడీ టైమింగ్ మరియు డైలాగ్స్ విశేషంగా ఆకట్టుకున్నాయి.
ఇదంతా బాగానే ఉంది కానీ, ట్రైలర్ లో మీరెవ్వరు గమనించని ఆసక్తికరమైన విషయాలు కొన్ని దాగి ఉన్నాయి. అవేంటో ఈరోజు మేము మీ ముందు ఉంచబోతున్నాము. ఈ సినిమాలో రమ్య కృష్ణ మహేష్ బాబు తల్లిగా నటించింది. కానీ గతం లో ఆమె మహేష్ బాబు హీరో గా నటించిన నాని సినిమాలో ఐటెం సాంగ్ చేసింది. మహేష్ తో ఐటెం సాంగ్ చేసిన ఆమెని తల్లి పాత్రకి తీసుకోవాలని త్రివిక్రమ్ కి ఎలా అనిపించిందో!.
ఇది కాసేపు పక్కన పెడితే ఈ సినిమా ట్రైలర్ లో మహేష్ బాబు ఒక్క కంటి తో అనేక షాట్స్ లో చూస్తూ ఉంటాడు. ఇది ఆయన మ్యానరిజం ఏమో అని అందరూ అనుకున్నారు. కానీ బాగా గమనిస్తే ట్రైలర్ ప్రారంభం లో ఆయన కంటి మీద నిప్పు పడుతుంది. అప్పటి నుండి ఆయనకీ ఒక కన్ను సరిగా కనిపించదు అని మనం అర్థం చేసుకోవచ్చు. త్రివిక్రమ్ ఆడియన్స్ కి వదిలిన ఈ చిన్న హింట్ ఎవ్వరూ గమనించలేదు. ఇదంతా పక్కన పెడితే మధ్యలో ఒక గోడౌన్ లో మహేష్ బాబు మరియు వెన్నెల కిషోర్ కూర్చొని ఉండగా, శ్రీలీల డ్యాన్స్ వేస్తూ ఉంటుంది. అంటే ఈ సినిమాలో త్రివిక్రమ్ ‘గబ్బర్ సింగ్’ లోని అంత్యాక్షరి తరహాలో ఒక సీక్వెన్స్ ని ప్లాన్ చేసాడు అన్నమాట.
ఇది అప్పట్లో ట్రెండింగ్ కాన్సెప్ట్ కానీ, ఇప్పుడు అది అవుట్ డేటెడ్ అయిపోయింది. కానీ మహేష్ ఎన్నడూ చూపించినంత ఎనర్జీ ని ఈ సినిమాలో చూపించేసాడు అని చెప్పొచ్చు. చిన్నతనం లో తల్లి నుండి తప్పిపోయిన మహేష్ బాబు, తన తమ్ముడిని జైలు నుండి తప్పించి తాను జైలు శిక్ష అనుభవిస్తాడు. అనంతరం బయటకి వచ్చిన తన తల్లి ప్రకాష్ రాజ్ ని పెళ్లి చేసుకొని ఉంటుంది. ఆ తర్వాత కథని జనవరి 12 వరకు మీరు ఎలా ఊహించుకుంటారో, అలా ఊహించుకోండి, కేవలం నాలుగు రోజులు మాత్రమే.