Manisha Koirala : అలాంటి సీన్లు ఉంటాయని ముందే చెబుతాడు..

Manisha Koirala

Manisha Koirala : వ్యభిచారం ప్రధాన కేంద్రంగా నడిచే హీరామండి అనే వెబ్ సిరీస్ ప్రస్తుతం ఓటీటీలో దుమ్ము రేపుతోంది. హీరామండి లో మనీషా కోయిరాల, అదితి రావు హైదరీ, సోనాక్షి సిన్హా లాంటి వాళ్లు నటించి ప్రేక్షకులను మెప్పిస్తున్నారు. మనీషా కోయిరాల నేపాల్ లో ఉన్న సమయంలో డైరెక్టర్ సంజయ్ లీలా బన్సాలీ ఫోన్ చేసి కథ గురించి చెప్పాడని అయితే అందులో ఉండే సీన్ల గురించి ముందే వివరించాడని తెలిపింది.

చాలా ఏండ్ల తర్వాత మనీషా కోయిరాల సంజయ్ లీలా బన్సాలీ డైరెక్షన్ లో నటించింది. ఈ వెబ్ సిరీస్ లో శేఖర్ సుమన్ , మనీషా కోయిరాల మధ్య శృంగార సన్నివేశాలు ఉన్నాయి. వీటి గురించి నటిగా తనకు ముందే డైరెక్టర్ ఇన్ ఫాం చేశాడని చెప్పుకొచ్చింది. ఇలాంటి సీన్లు తీయడం కోసం ముందుగానే రిహర్సల్స్ చేశామని చెప్పింది.

సంజయ్ లీలా బన్సాలీ ప్రేక్షకుడు ఊహించని సీన్లను సినిమాలోకి తీసుకొచ్చి ఆశ్చర్యపరుస్తాడు. అందుకే అతడు స్పెషల్. ఒక నటిగా ఇలాంటి బోల్డ్ కంటెంట్ ఉన్న సీన్లు చేయడం అంటే పెద్దగా ఇబ్బంది పడాల్సిన అవసరం లేదని అంది. ఇలాంటి ఛాలెంజింగ్ సీన్లు తీయడంతోనే తన సత్తా ఎంటో నిరూపితమవుతుంది. చాలా ఆనందంగా ఉందని చెప్పింది.

సంజయ్ లీలా బన్సాలీ, మనీషా కోయిరాల ఇద్దరి కాంబినేషన్ లో ఖమోషీ సినిమా వచ్చింది. 1942 ఏ లవ్ స్టోరీ మూవీ కూడా వీరి కాంబినేషన్ లో వచ్చిందే. ఈ మూవీ విమర్శకుల ప్రశంసలు అందుకుంది. దాదాపు వీరిద్దరూ 24 సంవత్సరాల తర్వాత కలిసి పనిచేయడంతో బాలీవుడ్ వర్గాల్లో చర్చనీయాంశం అయింది. మనీషా కోయిరాల క్యాన్సర్ బారిన పడి ఎంతో ధైర్యంగా కోలుకున్న విషయం తెలిసిందే. ధైర్యం, సాహాసం ఉంటే ఎంతటి విపత్తునైనా ఎదుర్కొవచ్చని సమాజానికి చాటి చెప్పింది. మనీషా కోయిరాల బాలీవుడ్ లో ఇప్పటి వరకు చాలా మూవీల్లో నటించింది. తెలుగులో ఒకే ఒక్కడు సినిమాలో నటించడంతో తెలుగు ప్రేక్షకులకు దగ్గరైంది.