Top Heroes : తెలుగులో టాప్ హిరోలు వీరే..  మెగా హిరోలు వెనక్కే

Telugu Top Heroes

Top Heroes : ఆర్మాక్స్ మీడియా సంస్థ తెలుగులో ఎప్పటికప్పుడు సినిమాలకు సంబంధించిన విషయాలు, అప్ డేట్స్, వెబ్ సిరీస్ లు తదితర వాటిపై సర్వే లు చేస్తూ రివ్యూలతో పాటు ర్యాంకులు ప్రకటిస్తుంటుంది. తాజాగా 2024 ఏప్రిల్ నెలకు సంబంధించిన అప్ డేట్స్ రిలీజ్ చేసింది. అందులో టాప్ 3 లో మెగా కుటుంబానికి చెందిన ఒక్క హిరో కూడా లేకపోవడం గమనార్హం. 

తెలుగు తో పాటు పాన్ ఇండియా రేంజ్ లో విడుదలైన సలార్ మూవీతో ప్రభాస్ టాప్ 1 లో కొనసాగుతున్నాడు. మహేశ్ బాబు రాజమౌళి సినిమాతో ట్రెండ్ లోకి వచ్చేశాడు. దీంతో ఆయన టాప్ 2 స్థానాన్ని దక్కించుకున్నాడు. టాప్ 3 లో జూనియర్ ఎన్టీఆర్ నిలిచారు. ఆర్ఆర్ఆర్ తర్వాత ఏడాదిగా ఒక్క మూవీ విడుదల కాకున్న దేవర షూటింగ్ తో ఎన్టీఆర్ బిజీగా మారిపోయారు. 

నాలుగో స్థానంలో పుష్స ది రూల్ అల్లు అర్జున్ నిలిచారు. దీంతో మెగా కుటుంబం ఖాతా తెరిచింది. పుష్ఫ 2 మూవీకి సంబంధించి ఇండియా లెవల్లో ప్రేక్షకులు  వెయిటింగ్ చేస్తున్నారు. అయిదో స్థానంలో రామ్ చరణ్ ఉన్నారు. టాప్ డైరెక్టర్ శంకర్ దర్శకత్వంలో గేమ్ చేంజర్ మూవీ లో నటిస్తున్నాడు. దీనిపై సినీ ప్రేక్షకులు అంచనాలు పెంచుకున్నారు.  ఆరో స్థానంలో పవర్ స్టార్ పవన్ కల్యాణ్ ఉన్నారు. ఈయన మూవీ కోసం ఆడియన్స్ కళ్లు కాయేలా కాచేలా ఎదురు చూస్తున్నారు. 

ఏడో స్థానంలో నాని, ఎనిమిదో స్థానంలో రవితేజ, తొమ్మిదిలో మెగాస్థార్ చిరంజీవి స్థానం సంపాదించుకున్నాడు. పదో స్థానంలో రౌడీ బాయ్ విజయ దేవర కొండ నిలిచాడు. మొత్తం మీద టాప్ 10 లో నాలుగు స్థానాలు మెగా ఫ్యామిలీవే అయినా టాప్ 3 లో ఎవరూ లేకపోవడం ఆశ్చర్యం కలిగించకమానదు.  తెలుగు సిని హిరోలు, వారు చేస్తున్న సినిమాలు, ట్రెండింగ్, పబ్లిక్ టాక్, రాబోయే మూవీస్ అన్ని కలిపి చేసిన సర్వేలో ఇలాంటి ఫలితాలొచ్చాయి.