Friday Movies : ఈ శుక్రవారం థియేటర్స్ లోకి వచ్చే సినిమాలు ఇవే!

Friday Movies : టాలీవుడ్ థియేటర్ లో ఈ శుక్రవారం భారీ స్టార్ల సినిమాలు లేవు. సాధారణ చిన్న నటులు, కొత్త దర్శకులు, నూతన నటుల సినిమాలు మాత్రమే ఉన్నాయి. ఇందులో ఒకరిద్దరు కమెడియన్లు లీడ్ రోల్స్ చేస్తుండగా ఒక సినిమాలో హీరోయిన్ గా కొత్త యువతి పరిచయం కానుంది. మొత్తానికి ఫిబ్రవరి 23 శుక్రవారం సినీ అభిమానులకు ఆసక్తికరమైన రోజుగా ఉండబోతోంది.

ఈ శుక్రవారం (ఫిబ్రవరి 23వ తేదీ) థియేటర్ల వద్ద కాస్త గట్టి సందదడే కనిపించనుంది. భారీ స్టార్ల సినిమాలు రిలీజ్ కు లేకున్నా.. చిన్న స్టార్ల సినిమాలు థియేటర్ గడపలో ఉన్నాయి. ఈ జాబితాలో తెలుగుతో సహా తమిళ్ డబ్ మూవీస్ ఉన్నాయి. వైవా హర్ష లీడ్ రోల్ చేస్తున్న ‘సుందరం మాస్టర్’ సినిమా ప్రేక్షకుల ముందుకు రానుంది. హీరో రవితేజ ఈ సినిమాను నిర్మించాడు. కాగా కల్యాణ్ సంతోష్ దీనికి దర్శకత్వం వహించాడు.

కమెడియన్ గా తన దైన ముద్ర వేసుకున్న అభినవ్ గోమఠం, హీరోగా ‘మస్తు షేడ్స్ ఉన్నయ్ రా’ సినిమా చేశాడు. దీనికి దర్శకుడు తిరుపతిరావు. ఈ సినిమాతో వైశాలి కథానాయికగా పరిచయం కానుంది. మమ్ముట్టి మలయాళంలో చేసిన ‘భ్రమయుగం’ అక్కడ భారీ సక్సెస్ అందుకుంది. ఆ సినిమాను ‘సితార బ్యానర్’ వారు రిలీజ్ చేస్తున్నారు. ఈ మూవీపై అందరిలోనూ ఆసక్తి ఉంది.

తమిళంలో జయం రవి హీరోగా చేసిన ‘సైరన్’ కూడా ఫిబ్రవరి 23వ తేదీ థియేటర్స్ లోకి రానుంది. కీర్తి సురేశ్ – అనుపమ పరమేశ్వరన్ కథానాయికలుగా నటించారు. తన భార్య మరణానికి కారకులైన వారిపై పగ తీర్చుకునే ఓ అంబులెన్స్ డ్రైవర్ కథ ఇతివృత్తంతో సాగుతుంది. ఇక ‘సిద్ధార్థ్ రాయ్’, ‘ముఖ్య గమనిక’, ‘రోటి కపడా రొమాన్స్’ ఆడియన్స్ ను పలకరించనున్నాయి.