OTT Updates : ఓటీటీలో ఈ వారం  అలరించనున్న  సినిమాలు.. సిరీస్ లు ఇవే.

OTT Updates : ఇండియన్ బాక్సాఫీసు వద్ద ‘కల్కి 2898 ఏడీ’ హవా ఇంకా కొనసాగుతూనే ఉంది. మరోవైపు ప్రేక్షకులను అలరించేందుకు ఈ శుక్రవారం తమిళ స్టార్ హీరో ధనుష్‌ ‘రాయన్’ , టాలీవుడ్ యువ హీరో రాజ్‌ తరుణ్‌  నటించిన ‘పురుషోత్తముడు’ తో పాటు పలు  చిత్రాలు విడుదల కానున్నాయి. అలాగే ఓటీటీ వేదికగా ప్రేక్షకులను పలకరించేందుకు మరికొన్ని సినిమాలు, వెబ్‌సిరీస్‌లు సిద్ధంగా ఉన్నాయి. ఏ ఓటీటీలో స్ట్రీమింగ్ అవుతున్నాయో తెలుసుకుందాం.  

నవ్వుల ‘రాజు యాదవ్‌’
జబర్దస్త్ కమెడియన్  గెటప్‌ శ్రీను తొలిసారి హీరోగా నటించిన చిత్రం ‘రాజు యాదవ్‌’.  అంకిత కారాట్‌ హీరోయిన్‌గా నటించింది. కృష్ణమాచారి దర్శకత్వం వహించిన ఈ సినిమా గత మే నెలలో థియేటర్లలో సందడి చేసింది. ఓటీటీ ప్లాట్ ఫాం ‘ఆహా’లో  అలరిస్తోంది. ఈ సినిమాలో హీరో ఎప్పుడూ నవ్వుతూనే ఉంటాడు. అతనికి ఆ పరిస్థితి ఎందుకొచ్చింది? ప్రేమించిన అమ్మాయి దూరమయ్యాక కథానాయకుడి జీవితం ఏ మలుపు తిరిగి అన్నదే  కథాంశం.

మనోజ్‌ బాజ్‌పాయ్‌ 100 వ సినిమా  
బాలీవుడ్ విలక్షణ నటుడు, హీరో మనోజ్‌ బాజ్‌పాయ్‌  ప్రధాన పాత్రలో అపూర్వ సింగ్‌ కర్కి దర్శకత్వంలో వచ్చిన హిందీ చిత్రం ‘భయ్యా జీ’ . మనోజ్‌ బాజ్‌ పాయ్‌ కెరీర్ లో ఇది 100వ సినిమా. గత మే నెలలో థియేటర్లలో విడుదలైంది. శుక్రవారం నుంచి ఓటీటీ ‘జీ 5’లో అలరించనుంది. తాను అమితంగా ప్రేమించే వారిని దూరం చేసిన వ్యక్తులపై హీరో ఎలా ప్రతీకారం తీర్చుకున్నాడన్నదే ఈ సినిమా కథ.

హర్రర్ థ్రిల్లర్ బడ్లీ ఇష్క్‌..
అవికా గోర్‌, వర్ధన్‌ పూరి ప్రధాన పాత్రల్లో నటించిన హారర్‌ థ్రిల్లర్‌ చిత్రం ‘బ్లడీ ఇష్క్‌’. విక్రమ్‌ భట్‌ తెరకెక్కించిన ఈ సినిమా నేరుగా ఓటీటీ ‘డిస్నీ+ హాట్‌స్టార్‌’ (Disney+ Hotstar)లో శుక్రవారం నుంచి అలరించనుంది. అలాగే మరికొన్ని క్రేజీ ప్రాజెక్టులు కూడా ఉన్నాయి.  

నెట్‌ఫ్లిక్స్‌
ది డె కామెరాన్‌ (హాలీవుడ్‌ వెబ్‌సిరీస్‌): 25 జూలై
ఎలైట్‌ సీజన్‌ 8 (హాలీవుడ్‌ వెబ్‌సిరీస్‌):  26జూలై
అట్లాస్‌ (హాలీవుడ్‌ మూవీ):  26 జూలై
డ్రాగన్‌ ప్రిన్స్‌- సీజన్‌ 6  (హాలీవుడ్‌ వెబ్‌సిరీస్):  26 జూలై

అమెజాన్‌ ప్రైమ్‌ వీడియో
ది మినిస్ట్రీ ఆఫ్‌ అన్‌ జెంటిల్‌మాన్లీ వార్‌ఫేర్‌ (హాలీవుడ్‌): 25 జూలై

ఆహా
యేవమ్‌ (తెలుగు): విడదలైంది
భరతనాట్యం (తెలుగు):  27జూలై

డిస్నీ+హాట్‌స్టార్‌
చట్నీ సాంబార్‌ (తమిళ్‌):  26 జూలై
ది కర్దాషియన్స్‌-సీజన్‌ 5..  హాలీవుడ్‌ వెబ్‌సిరీస్‌:   25 జూలై

బుక్‌ మై షో
వన్‌ లైఫ్‌ (హాలీవుడ్‌) 25 జూలై
జియో సినిమా
విచ్‌ బ్రింగ్స్‌ మీ టూ యూ (హాలీవుడ్‌):  26 జూలై