Mahesh Babu : మహేశ్ బాబు వదులుకున్న బ్లాక్ బస్టర్ సినిమాలు ఇవే..

Mahesh Babu

Mahesh Babu : సూపర్ స్టార్ మహేశ్ బాబు  ఖాతాలో చాలానే ఇండస్ట్రీ హిట్ లు ఉన్నాయి. తాజాగా రాజమౌళితో పాన్ వరల్డ్ మూవీకి సిద్ధమయ్యారు. అయితే గతంలో మహేశ్ బాబు ఎన్నో సూపర్ హిట్ మూవీలను వదులుకున్నారు. ఆ సినిమాలు కూడా మహేశ్ చేతిలో పడితే ఆయన ఖాతాలో మరికొన్ని నమోదయ్యేవి.

మహేశ్ కెరీర్ లో బిగ్గేస్ట్ హిట్ పోకిరిని అందించిన డైరెక్టర్ పూరి జగన్నాథ్. అతడు అంతకుముందే తీసిన మూవీ ఇడియట్. ఇది రవితేజ కెరీర్ ను మార్చేసింది అని చెప్పవచ్చు. రవితేజను రాత్రికి రాత్రే పెద్ద స్టార్ హీరోను చేసేసింది. ఈ కథ ముందుగా మహేశ్ కే చెప్పాడట పూరి. కెరీర్ లో సీరియస్ రోల్స్ కోసం చూస్తున్న తాను ఈ మాస్ మూవీ చేయలేనని మహేశ్ తిరస్కరించారట.

తమిళ స్టార్ హీరో సూర్య నటించిన మూవీ గజిని. ఇందులో మతిమరుపు పాత్రలో సూర్య నటనకు ఫిదా కాని వాళ్లు ఉండరు. ఈ మూవీ అమిర్ ఖాన్ హీరోగా హిందీలో కూడా అప్పట్లోనే వంద కోట్లకు పైగా వసూలు చేసింది. ఈ కథను మురుగదాస్ మొదట ఈ మూవీని మహేశ్ తోనే తీయాలని భావించాడు.

ప్రస్తుతం పాన్ ఇండియా లెవల్లో ఓ ఊపు ఊపుతున్న పుష్ప కథను కూడా సుకుమార్ మహేశ్ దగ్గరికే తీసుకెళ్లాడట. అయితే ఆ పాత్ర స్వభావం, అందుకోసం కావాల్సిన మేకోవర్ నచ్చక అతడు నిరాకరించాడట. అలాగే యానిమల్ మూవీ బాలీవుడ్ లో 900 కోట్లకు పైగానే వసూలు చేసింది. ఈ కథను సందీప్ రెడ్డి మొదట మహేశ్ కే వినిపించాడట. కానీ హీరో పాత్ర తీరు..తన వ్యక్తిగత ప్రాధాన్యతలకు పూర్తి విరుద్ధంగా ఉండడంతో నో చెప్పాడట.

ఇంకా ఇవే కాక నాగా చైతన్య ‘ఏ మాయ చేసావే’, ప్రభాస్ ‘వర్షం’ కూడా ముందుగా మహేశ్ చేతిలోకి వచ్చినవే. అయిన వాటినీ వదులుకున్నాడు. అయితే ఈ సినిమాలన్నీ తెలుగు తెరపై ఇండస్ట్రీ హిట్లుగా నిలిచాయి.