Fauji Movie : ఇంకా చాలా టైమ్ ఉంది బాస్.. అప్పుడు ఆలోచిద్దాం ఫౌజీ మేకర్స్

Fauji

Fauji Makers : పాన్ ఇండియా రెబల్ స్టార్ కు బాలీవుడ్ లో తిరుగులేకుండా పోతున్నది. సలార్, కల్కి వరుస హిట్లతో బాలీవుడ్ బాద్ షా మారాడు. ఖాన్ లు, కపూర్ లకు కూడా అందనంత ఎత్తులో ప్రభాస్ బాలీవుడ్ టాప్ హీరోగా చెలామణి అవుతున్నాడు. భారతదేశంలో వెయ్యి కోట్లు సాధించిన సినిమాలు ప్రభాస్ వే ఎక్కువగా ఉండడం విశేషం. ఇక ఇప్పట్లో ఏ బాలీవుడ్ హీరో కూడా ప్రభాస్ రికార్డులను అధిగమించేలా కనిపించడం లేదు. ఇక రాబోయే సినిమాలపైనా పెద్ద ఎత్తున బిజినెస్ చర్చలు ఇప్పటి నుంచే మొదలైనట్ల సమాచారం.

కేవలం ఎనిమిది నెలల గ్యాప్ లో ప్రభాస్ సినిమాలు రెండు విడుదల కాగా ఆ రెండు చిత్రాలు వెయ్యి కోట్లకుపైగా వసూళ్లను సాధించాయి. దీంతో ప్రభాస్ నుంచి రాబోయే సినిమాలకకు పెద్ద మొత్తంలో థియేట్రికల్ రైట్స్ దక్కించుకునేందుకు బాలీవుడ్ నిర్మాతలు, డిస్ర్టిబ్యూషన్ సంస్థలు ముందుకు వస్తున్నట్లు తెలుస్తున్నది. ప్రభాస్ సలార్-2 షూటింగ్ లో జాయిన్ కాబోతున్నట్లు ఇటీవల హోంబలే ఫిల్మ్స్ ప్రకటించింది. అలాగే కల్కి-2 కూడా షూటింగ్ ప్రారంభించేందుకు నాగ్ అశ్విన్ సిద్ధమవుతున్నాడు. దీనికి సంబంధించి ప్రీ ప్రోడక్షన్ వర్క్ సిద్ధం చేస్తున్నాడు. ఇక రాజాసాబ్ కూడా ఆల్మోస్ట్ షూటింగ్ పూర్తయినట్లే.

ఇక ఇటీవల హను రాఘవపూడి దర్శకత్వంలో ఫౌజీ(వర్కింగ్ టైటిల్)కి పూజా కార్యక్రమాలతో ప్రారంభమైంది. రెగ్యుల్ షూటింగ్ ఎప్పుడనేది అధికారికంగా మేకర్స్ ప్రకటించడం లేదు. అయితే ఈ సినిమా గురించి ఓ ఆసక్తికరమైన న్యూస్ బయటకు వచ్చింది.  నెట్ ఫ్లిక్స్ సంస్థ సౌత్ లో స్ట్రీమింగ్ హక్కుల కోసం దాదాపు 150 కోట్లు ఆఫర్ చేసినట్లు తెలుస్తున్నది. అయితే ఈ ఆఫర్ ను నిర్మాతలు పట్టించుకోవడం లేదని తెలిసింది. సలార్ హిందీ రైట్స్ కోసం ఇదే నెట్ ఫ్లిక్స్ 160 కోట్లు చెల్లించింది. దీంతో నిర్మాతలు షూటింగ్ కంప్లీట్ అయ్యాక మాట్లాడుకుందామని సున్నితంగా తిరస్కరించినట్లు సమాచారం.