Pawan Kalyan : పవన్ సినిమా సెట్లోకి వచ్చేది అప్పుడే..

Pawan Kalyan

Pawan Kalyan : పవన్ సినిమా వచ్చి చాలా రోజులైంది. చేతిలో మూడు నాలుగు సినిమాలు ఉన్నా ఎన్నికల వేళ పవన్ మూడు నెలలకు పైగా షూటింగ్ లను పక్కనపెట్టారు. పూర్తిగా రాజకీయాలపైనే దృష్టి సారించారు. ఇప్పుడు ఎన్నికలు పూర్తయ్యాయి. మండుటెండల్లో నిమిషం కూడా తీరికలేకుండా రాజకీయ కార్యక్రమాల్లో బిజీఅయిపోయారు. ఇప్పుడిప్పుడే కాస్త రిలాక్స్ అయ్యారు. దాంతో పవన్ సెట్ లోకి ఎప్పుడు అడుగుపెడుతాడు? ముందుగా ఏ సినిమా షూటింగ్ పూర్తి చేస్తారు? అనే ఆసక్తి మొదలైంది. అయితే పవన్ ఇంకా పొలిటికల్ మూడ్ లోనే ఉన్నట్టు తెలుస్తోంది. జూన్ 4 న ఎన్నికల ఫలితాలు రానున్నాయి. అప్పటి వరకూ సినిమా సెట్లోకి పవన్ అడుగు పెట్టడం కష్టమే అని చెప్పవచ్చు.

ఎన్నికల ఫలితాలు కూటమికి అనుకూలంగా వస్తే.. సినిమాల వైపు పవన్ రాక మరింత ఆలస్యం కానుంది. ఎందుకంటే కొత్త ప్రభుత్వం ఏర్పాటు, మంత్రి పదవుల పంపిణీ, హామీల అమలు..ఇలా ఎన్నెన్నో పనులతో బిజీగా ఉంటారు. ఆ తర్వాత మాత్రమే సినిమాల గురించి ఆలోచించవచ్చు. పైగా పవన్ ఇప్పుడే సినిమా షూటింగ్ లకు రెడీగా లేరు. తన ఫిజిక్ పై మళ్లీ దృష్టి పెట్టాల్సిన అవసరముంటుంది.

జూలై తొలి వారం వరకూ కూడా పవన్ సెట్లో అడుగు పెట్టే అవకాశం లేదని తెలుస్తోంది. అప్పుడు కూడా ముందుగా ‘ఓజీ’ మూవీని పూర్తి చేస్తాడు. ఆ తర్వాత హరిహర వీరమల్లుకు కొన్ని డేట్లు కేటాయిస్తాడు. ఇవి రెండు అయ్యాకే ఉస్తాద్ భగత్ సింగ్ సినిమా ఉండనుంది. నిర్మాతలు కూడా పవన్ పై ఒత్తిడి తీసుకురావడానికి ఇష్టపడడం లేదు. పవన్ రాజకీయాల బిజీ నుంచి కాస్త బయటకు వచ్చాకే సినిమాలు పూర్తి చేసేందుకు వారు కూడా సహకరిస్తున్నారు.