Elephant Viral Video
Elephant Viral Video : భూమిపై ఉన్న అత్యంత భారీ జంతువులు ఏనుగులే. దాదాపు 10 అడుగుల కంటే ఎత్తు. భారీ శరీరం పొడవాటి తొండంతో ఠీవీగా ఉంటాయి. ఎంత పెద్దవి అయినా మావటివాడు చెప్పినట్లే వింటాయి. అంత పెద్ద భారీ ఖాయం, చూసేందుకు గంభీరంగా భయం గొలుపుతున్నా ఏనుగులు మావటివాడు ఒక గీత గీస్తే ఆ గీతను దాటి రాలేవు. మావటికి అంత గౌరవం ఇస్తాయి గజరాజులు.
అంతెందుకు కేరళతో పాటు కొన్ని రాష్ట్రాల్లో అడువుల్లో నుంచి వచ్చిన ఏనుగులను జనావాసాలకు రాకుండా మళ్లీ అడవుల్లోకి పంపించాలంటే కూడా ట్రైనింగ్ ఇచ్చిన ఏనుగులే కవాల్సి వస్తుంది. ఆ సమయంలో కూడా మావటి వాడిని కుంభ స్థలంపై కూర్చోబెట్టుకొని తనకంటే బలశాలియైన ఏనుగులను కూడా అడవుల్లోకి తోలుతుంది. ఇంకా ఏనుగు అంబారి గురించి ప్రత్యేకంగా చెప్పాల్సిన అవసరం లేదు. ఏ దేవుడైనా ఉత్సవాల్లో ఏనుగు అంబారి ఎక్కాల్సిందే. పైగా ఇప్పుడు ముస్లింలు కూడా వారి దేవుడి ఊరేంపునకు గజరాజునే వాడుతున్నారు.
అలాంటి గజరాజును కంట్రోల్ చేయాలంటే ఒక్కోసారి సాధ్యం కాకపోవచ్చు. ఎందుకంటే ఆ సమయంలో ఆ గజం ఏమూడులో ఉంటుందో తెలుసుకోవడం కొంచెం కష్టం. ఇది కేవలం మావటికే తెలుస్తుంది. అందుకే ఏ సమయంలో దాని దగ్గరకు వెళ్లాలో ముందే ఆలోచిస్తాడు. కానీ ఇక్కడ ఒక ఏనుగు మావటిని తొక్కి తొక్కి చంపింది. టన్నుల కొద్దీ బరువు ఉన్న ఏనుగు మావటిని కింద పడేసి కాలితో తొక్కి తొక్కి పిండి ముద్దలా చేసి మరీ చంపింది. ఈ వీడియో ఇప్పుడు సోషల్ మీడియాలో వైరల్ గా మారింది. ఇది చూసి గజరాజుకు కోపం వచ్చిందా అంతే అంటూ అనుకుంటున్నారు.
