NTR – Pawan Kalyan : దూసుకొస్తున్న ఎన్టీఆర్ చిత్రం.. ఫ్యాన్స్ ఖుషీ.. పవన్ కల్యాణ్ అభిమానులకు మాత్రం షాక్

NTR – Pawan Kalyan

NTR – Pawan Kalyan : జూనియర్ ఎన్టీఆర్ కొరటాల శివ కాంబినేషన్ లో రాబోతున్న దేవర మూవీపై తెలుగు ప్రేక్షకులు భారీగా అంచనాలు పెట్టుకున్నారు. గతేడాది నుంచి విరామం లేకుండా షూటింగ్ జరుగుతున్నా.. రిలీజ్ డేట్ పై ఎప్పుడు ఒక క్లారిటీ రావడం లేదు. హిట్ కొడితే ఏ హిరోకు అయినా ఉత్సాహం వస్తుంది. కానీ వరుసగా హిట్లు కొడుతుంటే ఇంకా మామూలుగా  ఉండదు. జూనియర్ ఎన్టీఆర్ వరుసగా ఆరు విజయాలు సాధించి  మంచి ఊపు మీద ఉన్నాడు. ఇదే ఊపులో దేవర మూవీలో యాక్ట్ చేస్తున్నాడు.  

హై రేంజ్ యాక్షన్ తో రాబోతున్న దేవర సినిమా ఎన్టీఆర్ కెరీర్ లో టాప్ లో నిలుస్తుందని అందరూ అనుకుంటున్నారు. ఇదే స్థాయిలో కూడా కొరటాల శివ తెరకెక్కిస్తున్నాడని సమాచారం. దీన్ని రెండు పార్టులుగా విడుదల చేసేందుకు సిద్ధమవుతున్నట్లు చెబుతున్నారు.

జనతా గ్యారేజ్ మూవీ ఎన్టీఆర్ కొరటాల శివ కాంబినేషన్ లో వచ్చిన విషయం తెలిసిందే. దేవర మూవీ 85 శాతం కంటే ఎక్కువగా కంప్లీట్ అయింది. కానీ రిలీజ్ డేట్ పై సందేహాలు వ్యక్తమవుతున్నాయి. మొదట మూవీని అక్టోబర్ 10 తేదీకి పోస్ట్ పోన్ చేశారు. కానీ పవన్ కల్యాణ్ మూవీ ఓజీ విడుదల వాయిదా పడటంతో దేవర మూవీని సెప్టెంబర్ 27 న విడుదల చేసేందుకు సిద్ధమవుతున్నట్లు ప్రచారం జరుగుతోంది.

సెప్టెంబర్ లో పవన్ కల్యాణ్ ఓజీ మూవీ విడుదలకు సిద్దం కాగా..  అది వాయిదా పడుతుందని ప్రచారం జరుగుతోంది. దీంతో పవన్ కల్యాణ్ ఫ్యాన్స్ షాక్ లో ఉన్నారు. ఇదే అదనుగా భావించి దేవర టీం అదే సమయంలో రిలీజ్ చేసి సక్సెస్ కొట్టాలని చూస్తున్నారు. దేవర గత ఏప్రిల్ లోనే విడుదల చేయాల్సి ఉండగా.. ప్రతి సారి వాయిదా పడుతూ.. ఇలా సెప్టెంబర్ లో ముందుకు రానుందని టాక్ వినిపిస్తోంది. దేవర మూవీలో శ్రీదేవి కూతురు జాన్వీ కపూర్ నటిస్తుండటం కూడా మూవీపై మరింత అంచనాలు పెరిగిపోవడానికి కారణమయ్యాయి.