Pawan Kalyan : పవన్ కల్యాణ్ కు సినీ లోకం అండ

Pawan Kalyan

Pawan Kalyan : పవర్ స్టార్ పవన్ కల్యాణ్ కు సినీ లోకం అండగా నిలబడుతోంది. సినిమాలను కాదనుకుని రాజకీయాల్లోకి వచ్చిన పవన్ కల్యాణ్ కు ఆది నుంచి భంగపాటే ఎదురయింది. రాజకీయాల్లో సరైన సపోర్టు లేకపోవడం, సినిమాలో తన వెంట నడిచిన అలీ లాంటి వారు జగన్ కు సపోర్టు చేయడం లాంటి సంఘటనలు పవన్ ను ఇబ్బందులకు గురి చేశాయి.  చిన్ని కృష్ణ, పృథ్వీ లాంటి నటులు కూడా పవన్ పై  గతంలో నోరు పారేసుకున్నారు. అన్నింటికంటే డిజాస్టర్ పవన్ రెండు చోట్ల ఓడిపోవడం..  ఇలా ప్రతిదీ తనకు ప్రతికూలంశంగా మారింది. దీంతో రాజకీయాలు అంటే సినిమాలు కాదని ఇక్కడ రాణించాలంటే ప్రజల్లో విశ్వాసం పొందాలని అనేక మంది పవన్ కల్యాణ్ ను నిందించారు. అయితే పవన్ కు గతంలో సినీ ఇండస్ట్రీ నుంచే కాకుండా రాజకీయాల్లో సపోర్టు అందకపోగా.. ప్రస్తుతం మెల్లి మెల్లిగా సినీ రంగ ప్రముఖులు పవర్ స్టార్ కు చేయూతనందిస్తున్నారు. .

కానీ ఈ సారి ఎలాగైనా పిఠాపురంలో పవన్ గెలవాలని ఆయన అభిమానులు, జనసేన కార్యకర్తలు పోరాడుతున్నారు. ప్రతి ఇంటింటికీ వెళ్లి పవన్ ను గెలిపించాలని కోరుతున్నారు. ఈసారి సినిమా రంగానికి చెందిన వారు కూడా పవన్ కు అండగా నిలబడుతున్నారు. ఈ మధ్య హిరో నవదీప్ పవన్ కు మద్దతు గా నిలిచారు. పిఠాపురంలో ప్రచారం చేయడానికి సిద్ధమని ప్రకటించారు. పృథ్వీ అయితే ఏకంగా జనసేన జెండా పట్టుకుని పవన్ గెలుపే లక్ష్యంగా పని చేస్తామని యుద్ధానికిి సిద్ధమయ్యాడు.

అన్నింటికంటే పవన్ కు తన అన్న చిరంజీవి నుంచి సపోర్టు వచ్చింది. జనసేన పార్టీ కార్యక్రమాల కోసం చిరంజీవి రూ. 5 కోట్ల విరాళం అందజేశారు. దీంతో ఈసారి చిరంజీవి మద్దతు పవన్ కల్యాణ్ కు ఉందని ఇది కొండంత బలాన్ని చేకూర్చుతుందని భావిస్తున్నారు. ఈ సారి ఆరునూరైనా పవన్ కల్యాణ్ ను గెలిపించుకుంటామని సినీ రంగ ప్రముఖులు, జనసేన కార్యకర్తలు బలంగా విశ్వసిస్తున్నారు.