IPL 2024 Final : ఐపీఎల్ ఫైనల్ లో తారల సందడి.. ఎవరెవరు ఎటువైపంటే?
IPL 2024 Final
IPL 2024 Final : రెండు నెలలుగా హోరా హోరీ సాగుతున్ ఇండియన్ ప్రీమియర్ లీగ్ (ఐపీఎల్) దిగ్విజయంగా ముగిసింది. ఫైనల్ లో తలపడిన హైదరాబాద్, కోల్ కత్తా తలపడగా.. 8 వికెట్ల తేడాతో కోల్ కల్తా సిరీస్ ను కైవసం చేసుకుంది. గెలుపు ఓటములు కాసేపు పక్కన పెడితే.. ఐపీఎల్ ఫైనల్ లో తారలు సందడి చేశారు. బాలీవుడ్ స్టార్లతో పాటు టాలీవుడ్, మాలీవుడ్ ఇలా దేశ వ్యాప్తంగా ఉండే సెలబ్రెటీలు స్టేడియంలో కనిపించారు. తమ అభిమాన జట్టును, ఆటగాళ్లను ఉత్సాహపరుస్తూ.. ఎంజాయ్ చేశారు.
టాలీవుడ్ సీనియర్ స్టార్ హీరో వెంకటేశ్‌, శ్రీదేవి కూతురు జాన్వీ కపూర్‌, రాజ్‌కుమార్‌ రావు, మహేశ్వరీ, అనన్య పాండే తదితరులు తళుక్కున మెరిసి అభిమానుల్లో జోష్‌ నింపారు. ఇక కోల్ కతా టీమ్‌ యజమాని షారుక్ ఖాన్‌, అతడి భార్య గౌరీ ఖాన్‌, కూతురు సుహానా ఖాన్‌, జుహీ చావ్లా తమ జట్టును ఎంకరేజ్ చేశారు. కోల్ కతా బ్యాటర్లు ఫోర్లు, సిక్సులు కొట్టినప్పుడల్లా చప్పట్లతో మద్దతు తెలుపుతూ స్టేడియం మొత్తం సందడి నింపారు.
చెన్నై వేదికగా జరిగిన ఈ ఫైనల్ లో హైదరాబాద్ సీజన్ రన్నర్ గా మిగిలింది. ఈ సీజన్‌లో బ్యాట్ తో అద్భుతాలు చేసి అలరించిన సన్‌ రైజర్స్‌.. ఫైనల్‌లో 113 పరుగులకే కుప్పకూలింది. అనంతరం బ్యాటింగ్ కు దిగిన కేకేఆర్‌ రెండు వికెట్లు కోల్పోయి 10.3 ఓవర్లలోనే లక్ష్యాన్ని ఛేదించింది. జట్టులో వెంకటేశ్‌ అయ్యర్‌ (52 నాటౌట్) ఆఫ్ సెంచరీతో మెరుపులు మెరిపించాడు. రహమనుల్లా గుర్జాబ్‌ (39) మంచి ఇన్నింగ్స్‌ ఆడాడు.
