Naga Chaitanya : ఆ వార్తలను ఖండించిన నాగచైతన్య టీం.. అసలేంటి వివాదమంటే?

Naga Chaitanya

Naga Chaitanya : అక్కినేని నట వారసుడిగా టాలీవుడ్ లోకి ఎంట్రీ ఇచ్చిన నాగ చైతన్య హిట్టు ప్లాఫులతో సంబంధం లేకుండా వరుసగా సినిమాలు చేస్తూ ముందుకు సాగుతున్నాడు. అడపాదడపా హిట్లు వచ్చినా తండ్రి నాగార్జున, తాత అక్కినేని నాగేశ్వరరావు స్థాయిలో మాత్రం ఇప్పటి దాకా హిట్లు పడలేదు.  తండ్రి నాగార్జున లాగే చైతూ బాలీవుడ్ ఎంట్రీ ఇచ్చాడు. కానీ అక్కడా వర్కౌట్ కాలేదు. బాలీవుడ్ స్టార్ అమిర్ ఖాన్  హీరోగా నటించిన లాల్ సింగ్ చద్దాలో చైతూ చేసిన విషయం తెలిసిందే. అయితే ఆ సినిమాభారీ డిజాస్టర్ కావడంతో నాగ చైతన్యకు మళ్లీ అవకాశాలు రాలేదు.  మరో వైపు నాగ చైతన్య సినిమాలతో పాటు  వెబ్ సిరీస్ లకు కూడా ప్లాన్ చేస్తున్నాడు.

ఇటీవల దూత అనే వెబ్ సిరీస్ లో నాగ చైతన్య నటించిన విషయం తెలిసిందే. ఈ థ్రిల్లర్ నేపథ్యంలో తెరకెక్కిన వెబ్ సిరీస్ ను ప్రేక్షకులు బాగానే ఆదరించారు. అయితే నాగ చైతన్య మరో వెబ్ సిరీస్ లో చేస్తున్నాడని,  ఆ ప్రాజెక్టుకు సైన్ కూడా  చేశాడని గాసిప్స్ వచ్చాయి. ఈ గాసిప్స్ ను నాగ చైతన్య టీమ్ ఖండించింది.  ప్రస్తుతం చైతూ ఫోకస్ అంతా సినిమాలపైనేనని వెల్లడించింది.

నాగ చైతన్య ప్రస్తుతం చందూ మొండేటి దర్శకత్వంలో ‘తండేల్‌’  సినిమా చేస్తున్నాడు.  ఈ సినిమాను  చందూ మొండేటి  పాన్‌ ఇండియా స్థాయిలో రూపొందిస్తున్నారు. శ్రీకాకుళం జిల్లా డి మత్స్యలేశం గ్రామంలో చోటు చేసుకున్న వాస్తవ సంఘటనల ఆధారంగా ఈ సినిమాని తెరకెక్కిస్తున్నట్లు ఇది వరకే ప్రకటించారు. దేశభక్తిని మిళితం చేస్తూ ప్రేమకథతో రూపొందుతున్న ఈ  సినిమాలో చైతూ మత్స్యకారుడిగా నటిస్తున్నారు. సాయి పల్లవి హీరోయిన్‌ గా చేస్తున్నది.