Prabhas : అక్టోబర్ నెల ప్రభాస నామమాసం.. డార్లింగ్ ఫ్యాన్స్ రెడీనా

Prabhas : మరో 19 రోజుల్లో  అంటే అక్టోబర్ 23న డార్లింగ్ ప్రభాస్ పుట్టినరోజు. ఈ సందర్భంగా ఎలాంటి గిఫ్ట్‌లు ఇస్తారోనని అభిమానులు ఆసక్తిగా ఎదురుచూస్తున్నారు. మొదటిది రాజా సాబ్ నుండి లిరికల్ సాంగ్ లేదా కొత్త టీజర్ అని భావిస్తున్నారు. ఏప్రిల్ 10న రిలీజ్ డేట్ ఇంకా చాలా దూరంలో ఉన్నప్పటికీ, ప్రభాస్ తదుపరి రిలీజ్ ఇదే కాబట్టి ఓ కీలక అప్ డేట్ రావాల్సి ఉంది. ఇందుకోసం దర్శకుడు మారుతి ప్రత్యేక శ్రద్ధ తీసుకున్న సంగతి తెలిసిందే. షూటింగ్ చివరి దశలో ఉన్న నేపథ్యంలో ఏ కంటెంట్ ఇవ్వాలనే దాని గురించి పెద్దగా ఆందోళన అక్కర్లేదు. ఏది ఇవ్వాలనేది కీలకం.

హను రాఘవపూడి దర్శకత్వం వహించిన ఫౌజీ (టైటిల్ ప్రచారంలో ఉంది) ఫస్ట్ లుక్ రివీల్ అయింది. ఇప్పటి వరకు కనిపించని సరికొత్త మేకోవర్‌లో ప్రభాస్‌ని చూడబోతున్నారనే సమాచారం అభిమానులను ఉర్రూతలూగిస్తోంది. దర్శకుడు సందీప్ రెడ్డి వంగా విజువల్స్ లేకుండా స్పిరిట్ గురించి ప్రత్యేకంగా ఆడియో అనౌన్స్ మెంట్ చేయాలని ప్లాన్ చేస్తున్నాడు.  మరి కల్కి 2కి సంబంధించి ఇంపార్టెంట్ అనౌన్స్ మెంట్ వచ్చే ఛాన్స్ కొట్టిపారేయలేం. కానీ మీరు విడుదల తేదీ లేదా సంవత్సరం ఏదీ ఆశించకుండా ఉంటే మంచిది.

అలాగే సలార్ 2 శౌర్యాంగ పర్వం నుండి విషెష్ తప్ప మరొకటి కాకపోవచ్చు. ఎందుకంటే జూనియర్ ఎన్టీఆర్ సినిమా పూర్తి చేసి ప్రశాంత్ నీల్ ఎప్పుడు వస్తాడనే దానిపై సరైన సమాచారం లేదు. కాబట్టి సలార్ 2 నుంచి ఇప్పటికీ విషెషే ఇస్తుంది. ఇవి తప్ప మరో ఆశ్చర్యం ఉండకపోవచ్చు. కానీ కడుపు నింపుకోవడానికి ఇన్ని అప్ డేట్స్ ఇస్తే ఇంతకంటే ఏం కావాలి. రీ-రిలీజ్‌లను పరిశీలిస్తే, ఈశ్వర్, డార్లింగ్ రెండూ థియేటర్లలో పోటీకి సిద్ధమవుతున్నాయి.  నిన్న చక్రం విడుదల చేస్తే పెద్దగా ఎవరూ పట్టించుకోలేదు.