Team India with PM Modi : పీఎం మోదీతో ముగిసిన భారత క్రికెటర్ల భేటీ

Team India Players with PM Modi

Team India with PM Modi : ప్రధాన మంత్రి నరేంద్ర మోదీతో టీమ్ ఇండియా ప్లేయర్ల భేటీ ముగిసింది. టీ-20 ప్రపంచ కప్ గెలిచిన టీమ్ ఈరోజు ఉదయం బార్బడోస్ నుంచి స్వదేశానికి తిరిగి వచ్చిన విషయం తెలిసిందే. ఈ సందర్భంగా ప్లేయర్లకు అపూర్వ స్వాగతం లభించింది. ప్లేయర్లు ఫ్రెష్ అయ్యాక నేరుగా ప్రధానిని కలిసేందుకు లోక్ కల్యాణ్ మార్గ్ లోని మోదీ నివాసానికి వెళ్లారు.

ప్రధాని మోదీని కలిసిన క్రికెటర్లు ప్రధానితో కలిసి అల్పాహారం చేశారు. ఈ సందర్భంగా ప్రతి క్రికెటర్ ను మోదీ ఆప్యాయంగా పలుకరించి అభినందనలు తెలిపారు. అనంతరం క్రికెటర్లంతా బస్సులో ఎయిర్ పోర్టుకు బయల్దేరారు. అక్కడి నుంచి ప్రత్యేక విమానంలో టీమ్ ఇండియా ముంబైకి వెళ్లనుంది. సాయంత్రం  విజయోత్సవ కార్యక్రమాలలో పాల్గొననుంది. ఈ విషయమై బీసీసీఐ కార్యదర్శి జై షా ఎక్స్ వేదికగా స్పందిస్తూ ‘ప్రపంచ కప్ గెలిచిన టీమ్ ఇండియాను గౌరవించుకునేందుకు విజయోత్సవ ర్యాలీలో భారీగా పాల్గొనండి’ అని ట్వీట్ చేశారు.