Megastar Tweet-NTR
Megastar Tweet : తెలుగు సినిమా ముద్దుబిడ్డలు స్వర్గీయ ఎన్టీఆర్, మెగాస్టార్ చిరంజీవి. తెలుగు సినిమాకు 1950ల తర్వాత జానపద చిత్ర కథానాయకుడిగా, 1970ల తర్వాత మాస్ హీరోగా అగ్రస్థానంలో ఉన్నారు ఎన్టీఆర్. భారత నేలపై రాముడు, కృష్ణుడు ఇలాగే ఉంటారమో అన్నంతగా ఎన్టీఆర్ ఆ పాత్రల్లో ఒదిగిపోయారు. ఇది ఆయన ఒక్కరికే సాధ్యం. ఆ 1980ల తర్వాత నుంచి ఇప్పటివరకు తెలుగు సినిమాకు మకుటం లేని మహారాజుగా వెలుగొందుతున్నారు మెగాస్టార్ చిరంజీవి. ఇద్దరూ ఇద్దరే.
ఈ ఇద్దరూ కళామతల్లి బిడ్డలు.. సినీరంగంలోనూ, అటు రాజకీయ రంగంలోనూ సత్తా చాటినవారే. పార్టీని ప్రారంభించిన 9 నెలల్లో అధికారంలోకి వచ్చిన ఘనత ఎన్టీఆర్ దే. సినీ రంగంలోనూ, రాజకీయ రంగంలో ఎన్టీఆర్ చెరగని ముద్ర వేశారు. ఆయన స్థానాన్ని భర్తీ చేసేవారు ఎవరూ లేరనే చెప్పాలి. ఎన్టీఆర్ మార్గంలో చిరంజీవి సైతం వచ్చి ప్రజారాజ్యం పార్టీ స్థాపించిన లక్ష్యాలను మాత్రం చేరుకోలేదు. ఆ తర్వాత చిరు మళ్లీ సినిమాల్లోకి రీఎంట్రీ ఇచ్చిన విషయం తెలిసిందే.
ఎన్టీఆర్, చిరంజీవి కలిసి రెండు, మూడు సినిమాల్లో నటించడం విశేషం. ఎన్టీఆర్ రాజకీయాల్లోకి వచ్చాక ఆ స్థానాన్ని చిరంజీవి భర్తీ చేసిన విషయం తెలిసిందే. ఇద్దరి మధ్య మంచి అనుబంధం ఉండేదని చిరు అప్పుడప్పుడు చెప్పేవారు. నేడు ఎన్టీఆర్ 101వ జయంతి. ఈ సందర్భంగా మెగాస్టార్ చిరంజీవి ట్వీట్ వైరల్ అవుతోంది. మెగాస్టార్ చిరంజీవి.. నందమూరి తారక రామారావుకు భారతరత్న ఇవ్వాలని కోరారు. “ప్రముఖ గాయకులు, నవయుగ వైతాళికులు భూపేన్ హజారికా గారికి మరణానంతరం భారత రత్న ఇచ్చినట్టు, మన తెలుగుతేజం, దేశం గర్వించే నాయకుడు నందమూరి తారక రామారావు గారికి భారతరత్న ఇస్తే అది తెలుగు వారందరికీ గర్వకారణం. వారి 101 జయంతి సందర్భంగా ఎన్టీఆర్ గారికి ఈ గౌరవం దక్కితే అది తెలుగు వారందరికీ గర్వకారణం. ఆ మహానుభావుడి జన్మదినం సందర్భంగా వారిని స్మరించుకుంటూ” అంటూ ట్వీట్ చేశారు చిరంజీవి.
కొందరి కీర్తి అజరామరం. తరతరాలు శాశ్వతం. భావితరాలకు ఆదర్శం. నందమూరి తారక రామారావు గారిని ఈ రోజు గుర్తుచేసుకుంటూ, వారు ప్రజా జీవితంలో చేసిన సేవలకు భారతరత్న పురస్కారం సముచిత గౌరవం అని భావిస్తున్నాను. తెలుగు వారి ఈ చిరకాల కోరికని కేంద్ర ప్రభుత్వం తప్పక మన్నిస్తుందని ఆశిస్తున్నాను.… pic.twitter.com/YFtWPKKW8n
— Chiranjeevi Konidela (@KChiruTweets) May 28, 2024