Pushpa 2 : లీక్ అయిన ‘పుష్ప: ది రూల్’ సన్నివేశం..అసహనం వ్యక్తం చేస్తున్న నిర్మాతలు!

‘Pushpa: The Rule’ scene leaked

Pushpa 2 : స్టైలిష్ స్టార్ అల్లు అర్జున్ ప్రస్తుతం సుకుమార్ తో కలిసి ‘పుష్ప : ది రూల్’ అనే చిత్రం చేస్తున్న సంగతి తెలిసిందే. ఇండియన్ బాక్స్ ఆఫీస్ ని షేక్ చేసిన ‘పుష్ప’ సినిమాకి సీక్వెల్ గా తెరకెక్కుతున్న ఈ చిత్రం కోసం అల్లు అర్జున్ అభిమానులతో పాటుగా, బాలీవుడ్ , కోలీవుడ్, మాలీవుడ్ మరియు శాండిల్ వుడ్ ఆడియన్స్ కూడా ఎంతో ఆతృతగా ఎదురు చూస్తూ ఉన్నారు.

ఇప్పటి వరకు ఈ సినిమాకి సంబంధించి విడుదలైన ఫస్ట్ లుక్ పోస్టర్ మరియు గ్లిమ్స్ వీడియో కి ఫ్యాన్స్, ఆడియన్స్ నుండి అద్భుతమైన రెస్పాన్స్ వచ్చింది. కచ్చితంగా ఈ సినిమా మరోసారి ఇండియన్ సినిమా రికార్డ్స్ ని బద్దలు కొడుతోంది అనే నమ్మకాన్ని ఇచ్చింది. అయితే ఈ సినిమా నిర్మాతలు సోషల్ మీడియా లో ఈ చిత్రం నుండి లీక్ అవుతున్న ఫోటోలు , వీడియోల గురించి తీవ్రమైన అసంతృప్తి వ్యక్తం చేస్తున్నారు.

గతం లో ‘పుష్ప’ సినిమాకి కూడా ఇలాంటి లీక్స్ తప్పలేదు. ఒక ఫైట్ సన్నివేశం అప్పట్లో లీక్ అవ్వడం పెద్ద దుమారమే రేపింది. పుష్ప 2 కి సంబంధించి కూడా కొన్ని వీడియోలు లీక్ అయ్యాయి. నది లో ఎర్రచందనం స్మగ్లింగ్ చేస్తున్న సన్నివేశాలు అప్పట్లో లీక్ అయ్యి తెగ వైరల్ గా మారింది. రీసెంట్ గా అల్లు అర్జున్ చీర కట్టుకున్న ఫోటో ఒకటి సోషల్ మీడియా లో లీక్ అయ్యి తెగ వైరల్ గా మారింది.

షూటింగ్ గ్యాప్ లో అల్లు అర్జున్ డైరెక్టర్ సుకుమార్ తో కలిసి కూర్చున్న ఈ ఫొటోలో అల్లు అర్జున్ చీర కట్టుకొని ఉన్నాడు. సినిమాలో కేవలం ఒక్క సన్నివేశం లో అల్లు అర్జున్ చీర కట్టుకుంటాడేమో అని ఫస్ట్ లుక్ చూసినప్పుడు అనుకున్నారు ఫ్యాన్స్. కానీ ఇప్పుడు సీక్వెన్స్ సినిమాలో చాలా సన్నివేశాల్లో ఉండబోతున్నట్టు తెలుస్తుంది. ఇలా సినిమాకి సంబంధించిన కీలకమైన ట్విస్ట్ బయటపడడం తో దర్శక నిర్మాతలు అసహనం ని వ్యక్తం చేస్తున్నారు.