Ex CM Jagan : అసెంబ్లీ వద్ద జగన్ పై ఆకతాయిల కేకలు

Ex CM Jagan

Ex CM Jagan : పులివెందుల ఎమ్మెల్యేగా ప్రమాణ స్వీకారం చేసేందుకు వెళ్లే ముందు మాజీ సీఎం జగన్ కు చేదు అనుభవం ఎదురైంది. అసెంబ్లీ వద్ద ఆయన కాన్వాయ్ ని కొందరు ఆకతాయిలు ఫాలో అవుతూ కామెంట్లు చేశారు. ‘జగన్ మామయ్య.. జగన్ మామయ్య’ అంటూ కేకలు వేస్తూ ఫొటోలు, వీడియోలు తీశారు. అనంతరం అసెంబ్లీ వెనుక గేటు నుంచి లోపలికి వెళ్లిన జగన్ సభలో ప్రమాణ స్వీకారం చేశారు. అటు మాజీ సీఎంపై ఇలాంటివి సరికాదని, గౌరవించాలని వైసీపీ శ్రేణులు కోరుతున్నాయి.

కాగా, జగన్ పట్ల గౌరవంగా వ్యవహరించాలని సీఎం చంద్రబాబు నిర్ణయించారు. సాధారణ సభ్యుడైన జగన్ వాహనాన్ని లోనికి అనుమతించాల్సిందిగా ఆదేశాలిచ్చారు. ముఖ్యమంత్రి, ఉపముఖ్యమంత్రి, మంత్రుల ప్రమాణ స్వీకారం తరువాత జగన్ ప్రమాన స్వీకారానికి అనుమతించాలని నిర్ణయించినట్లు సమాచారం. కౌరవ సభ నుంచి గౌరవ సభగా మారిన నేపథ్యంలో దానికనుగుణంగా నడుచుకోవాలని నిర్ణయించినట్లు తెలుస్తోంది.