Helicopter Crash : కుప్పకూలిన హెలికాప్టర్.. శివసేన నేతకు తప్పిన ప్రమాదం

Helicopter Crash

Helicopter Crash : శివసేన ఉద్ధవ్ ఠాక్రే వర్గానికి చెందిన నేత సుష్మా అంధారేకు ప్రమాదం తప్పింది. సుష్మా అంధారేను తీసుకు వెళ్లేందుకు బయలుదేరిన ఓ ప్రైవేట్ హెలికాప్టర్ కుప్పకూలింది. హెలికాప్టర్ ను ల్యాండింగ్ చేస్తున్న సమయంలో ఈ ప్రమాదం జరిగిందని అధికారులు వెల్లడించారు.

రాయ్ గఢ్ లో మహద్ పట్టణంలోని ఓ ప్రదేశంలో హెలికాప్టర్ ల్యాండ్ అవ్వడానికి ప్రయత్నిస్తుండగా అకస్మాత్తుగా పెద్ద శబ్ధంతో కుప్పకూలింది. ప్రమాదాన్ని ముందే పసిగట్టిన పైలట్ బయటకు దూకి ప్రాణాలు కాపాడుకున్నారు. పోలీసులు, రెస్క్యూ బృందాలు ప్రమాద స్థలానికి చేరుకుని ప్రమాదానికి గల కారణాలపై దర్యాప్తు చేస్తున్నారు. ఈ ప్రమాదం జరగడంతో  సుష్మా అందారే తన కారులో ఎన్నికల ప్రచారానికి వెళ్లిపోయారు.