South Heroine Malavika
South Heroine : గ్లామరస్ ఫొటో షూట్లు, పబ్లిక్ అప్పియరెన్స్ తో యూత్ లో విపరీతమైన ఫ్యాన్ ఫాలోయింగ్ సంపాదించుకున్న హాటెస్ట్ బ్యూటీ మాళవిక మోహనన్. నటిగా మార్కెట్ ను పెంచుకునేందకు ఆమె చేసిన ప్రయత్నాలన్నీ ఫలించడం లేదు. భారీ హిట్ మాత్రం ఆమెకు దక్కడం లేదు. ఆమె నటించిన తాజా చిత్రం తంగళన్ బాక్సాఫీస్ వద్ద ఎలాంటి ప్రభావం చూపక ఫ్లాప్ టాక్ సంపాదించుకుంది. ఇక ప్రభాస్ హీరోగా మారుతి దర్శకత్వంలో తెరకెక్కుతున్న ‘రాజా సాబ్’లో ప్రభాస్ సరసన యాక్ట్ చేసింది. ఈ మూవీ ఏడాది ఏప్రిల్ లో ప్రేక్షకుల ముందుకు రానుంది.
ఇదిలా ఉంటే ఆమె కొత్త ప్రాజెక్ట్ త్వరలో విడుదల కానుందని, ఈ సారి బాలీవుడ్ నుంచి రాబోతోందని సమాచారం. సిద్ధాంత్ చతుర్వేది, మాళవిక మోహనన్ జంటగా నటించిన ‘యుద్ధం’ సెప్టెంబర్ 20న విడుదల అవుతోంది. శ్రీదేవి చివరి చిత్రం ‘మామ్’కు దర్శకత్వం వహించిన రవి ఉద్యావర్ దర్శకత్వం వహిస్తున్న ఈ చిత్రాన్ని ఫర్హాన్ అక్తర్ కు చెందిన ఎక్సెల్ ఎంటర్ టైన్ మెంట్ సంస్థ నిర్మిస్తోంది. తాజాగా మాళవిక పాత్రను నిఖత్ గా పరిచయం చేస్తూ కొత్త పోస్టర్ ను విడుదల చేశారు. మాళవిక తన అందాలను ఆరబోస్తూ అదరగొడుతోంది.
మాళవిక నటించిన తొలి పూర్తి స్థాయి హిందీ చిత్రం ‘యుద్ధం’. ఈ చిత్రానికి బ్యానర్, దర్శకత్వం, రచయిత ఆశాజనకంగా ఉన్నప్పటికీ, హీరో సిద్ధాంత్ బాక్సాఫీస్ వద్ద పెద్దగా ఆకట్టుకోలేకపోయాడు. ఆయన మంచి హీరోగా కాదు.. నటుడిగానే ఇంకా క్లిక్ కాలేదు.
రజినీకాంత్, ధనుష్, విజయ్ వంటి భారీ స్టార్స్ తో నటించినప్పటికీ సౌత్ లో మాళవిక కెరీర్ చాలా వరకు నిరాశపరిచింది. సౌత్ ఆమెకు చాన్స్ ఇవ్వలేనిది బాలీవుడ్ ఇస్తుందో లేదో చూడాలి. ఈ సినిమా బాక్సాఫీస్ వద్ద భారీ విజయాన్ని అందుకుంటుందో లేదో.. చూడాలి.