Devara : దేవర సినిమా కోసం ఎన్టీఆర్ చాలా కష్టపడుతున్నారు. ఈ సినిమాలో శ్రీదేవి కూతురు జాన్వీ కపూర్ హిరోయిన్ గా నటిస్తున్న విషయం తెలిసిందే. దేవర మూవీ నుంచి ఓ డైలాగ్ లీక్ అయినట్లు తెలుస్తోంది. సాదాసీదా మగాళ్లు కావాలా.. ఈ ఊరినే ఉప్పొంగే వీరుడు కావాలా అనే డైలాగ్ సోషల్ మీడియాలో తెగ వైరల్ అవుతోంది.
సోషల్ మీడియాలో దేవర మూవీ డైలాగ్స్ లీక్ కావడంతో ఎన్టీఆర్ ఫ్యాన్స్ సంబరాలు చేసుకుంటున్నారు. సెప్టెంబర్ 27 న ఈ మూవీని రిలీజ్ చేయనున్నారు. దేవర మూవీని రెండు పార్టులుగా తీస్తున్నట్లు ఇప్పటికే ప్రచారం జరుగుతోంది. జనతా గ్యారేజ్ సినిమా తర్వాత కొరటాల శివ, ఎన్టీఆర్ కాంబినేషన్ లో రాబోతున్న మూవీ దేవర కావడంతో ఫ్యాన్స్ ఎంతగానో ఎదురు చూస్తున్నారు. ఈ సినిమా కోసం లుక్స్ కూడా ఎన్టీఆర్ చేంజ్ చేసినట్లు తెలుస్తోంది.
ప్రస్తుతం షూటింగ్ పూర్తి చేసుకున్న దేవర మూవీ.. డబ్బింగ్ పనులు జరుగుతున్నాయి. అయితే డబ్బింగ్ పనులు వీలైనంత తొందరగా పూర్తి చేసి ప్రమోషన్లు చేయాలని చిత్ర బృందం ఆలోచిస్తుంది. డబ్బింగ్ చేసే సమయంలోనే ఒక డైలాగ్ లీక్ అయినట్లు సమాచారం. ఆ డైలాగ్ కూడా ఊర మాస్ ఉండటంతో ఫ్యాన్స్ తెగ ఖుషీ అయిపోతున్నారు. ఈ మధ్య నటి హిమజ మరికొందరు ఆర్టిస్టులు డబ్బింగ్ చెబుతున్న సమయంలో ఫొటోలు లీక్ అయ్యాయి. దీంతో మూవీపై మరింత హైప్ క్రియేట్ అయింది.
బయటకు లీకైన ఈ డైలాగ్ తో దేవర మూవీ సాదాసీదాగా ఉండదని ఒక వీరుడి కథ ఉంటుందని అందరూ తెగ చర్చించుకుంటున్నారు. మొత్తం మీద దేవర కోసం పడిన కష్టం మరో రెండు నెలల్లో తీరిపోనుంది. ఇప్పటికే ప్రభాస్ కల్కి తో హిట్ కొట్టాడు. దాన్ని మించిన హిట్ కొట్టేందుకు దేవర వస్తున్నాడని జూనియర్ ఎన్టీఆర్ ఫ్యాన్స్ అంటున్నారు. సెప్టెంబర్ 27 ఎప్పుడొస్తుందా అని ఎదురు చూస్తున్నారు.