River : వాగులో కొట్టుకుపోయిన కారు.. ప్రాణాలతో బయటపడ్డ ప్రయాణికులు

River

River : ఏలూరు జిల్లా వేలేరుపాడు మండలంలోని ఓ వాగులో కారు కొట్టుకుపోగా అందులో ప్రయాణిస్తున్నవారు ప్రాణాలతో బయటపడ్డారు. కారులో ఉన్నవారిని అతి కష్టం మీద గ్రామస్థులు, పోలీసులు ఒడ్డుకు తీసుకువచ్చారు. అశ్వారావుపేట నుంచి వేలేరుపాడు వస్తుండగా ఈ ప్రమాదం జరిగింది.

కారులో ఇద్దరు మహిళలు, సహా ఐదుగురు ఉన్నారు. డ్రైవర్ రామారావు, జ్యోతి, గడ్డం కుందనకుమార్, సాయిజ్యోతి, గడ్డం జగదీశ్ కుమార్ లు కొద్ది దూరం వాగులో కొట్టుకుపోయాక కారు నుంచి బయటకు వచ్చారు. వాగులోని పొదల్లో ఆ ఐదుగురూ చిక్కుకున్నారు. ఎన్డీఆర్ఎఫ్ సిబ్బంది వచ్చే లోపే పోలీసులు, స్థానికుల సహాయంతో వారిని ఒడ్డుకు తీసుకువచ్చారు.