OTT Movies : ఈ వీకెండ్ ఓటీటీలో బెస్ట్ ఇవే?

OTT Movies

OTT Movies : శుక్రవారం వారం వచ్చిదంటే కేవలం థియేటర్లకే కాదు.. ఓటీటీ ప్లాట్ ఫాంలకు కూడా పండుగే. సోమవారం, శుక్రవారం రెండు దఫాలుగా ఓటీటీలో సినిమాలు, వెబ్ సిరీస్ రిలీజ్ అవుతుంటాయి. అందులో శుక్రవారం ఎక్కువగా టాప్ ప్రియారిటీ ఉన్నవి రిలీజ్ చేస్తారు. ఎందుకంటే తర్వాతి రెండు రోజులు వీక్ ఎండ్స్ కాబట్టి థియేటర్లలో మంచి సినిమాలు లేకుంటే ప్రేక్షకులు ఓటీటీ వైపే చూస్తారు.

నెట్ ఫ్లిక్స్, అమెజాన్ ప్రైమ్, డిస్నీ + హాట్ స్టార్ వంటి టాప్ ఓటీటీ ప్లాట్ ఫామ్ లలో స్ట్రీమింగ్ కోసం అందుబాటులో ఉన్న, మీ వీకెండ్ వాచ్ లిస్ట్ లో స్థానం పొందేందుకు అర్హులైన టైటిల్స్ జాబితా ఇక్కడ ఉంది.

పంచాయితీ 3
రెండు సీజన్లను దిగ్విజయంగా పూర్తి చేసుకొని మూడో సీజన్ ప్రైమ్ లో రిలీజైంది. ఈ సీజన్ కోసం ప్రేక్షకులు చాలా రోజులుగా ఎదురు చూస్తున్నారు. ఇది ఉత్తరాది సెన్సిబిలిటీస్ ఉన్న గ్రామీణ డ్రామా. ప్రస్తుతం హిందీ భాషలో మాత్రమే ఉంది. తెలుగులో వచ్చే ఛాన్స్ కూడా ఉందని తెలుస్తోంది.

జిమ్ హెన్సన్ ఐడియా మ్యాన్
జిమ్ హెన్సన్ ప్రధాన పాత్రలో నటించిన ఈ కామెడీ డ్రామా డిస్నీ+ హాట్ స్టార్ లో స్ట్రీమింగ్ అవుతోంది. ఇప్పటి వరకు ఇది మంచి రివ్యూలతో భారీ వ్యూవ్స్ తో సాగుతుంది.

బుజ్జి అండ్ భైరవ
ప్రభాస్, నాగ్ అశ్విన్ కాంబోలో రాబోతున్న ‘కల్కి 2898 ఏడీ’పై ప్రపంచ వ్యాప్తంగా క్యూరియాసిటీ పెరుగుతోంది. ఈ సైన్స్ ఫిక్షన్ యాక్షన్ ‘కల్కి’ యానిమేషన్ సృష్టిపై బోలెడంత ఆసక్తిని రేకెత్తిస్తుంది. దీనికి సంబంధించి మరింత సమాచారం కోసం యూ ట్యూబ్ చూడాల్సిందే.

ద ఫస్ట్ ఓమెన్
చర్చిలో ప్రభువు కోసం పని చేయాలనుకునే నన్ ను ఒక చర్చి నిర్వాహకులు ట్రైనింగ్ కోసం అమెరికా నుంచి రోమ్ కు పంపిస్తారు. రోమ్ లో తమ పూర్వీకులు ఉన్నారని తెలుసుకున్న యువతి వారు నివసించే ఇంటికి వెళ్తుంది. అక్కడి నుంచి కథ ప్రారంభమవుతుంది. హారర్ థ్రిల్లర్ గా సాగుతుంది.