Janhvi Kapoor : అందుకే పుష్ప2కు నో చెప్పాను.. జాన్వీ కపూర్ సంచలన వ్యాఖ్యలు..

Janhvi Kapoor : అల్లు అర్జున్ లీడ్ రోల్ లో సుకుమార్ డైరెక్షన్ లో రాబోతున్న ‘పుష్ప 2’కు జాన్వీ కపూర్ నో చెప్పింది. టీమ్ తమ సినిమాలోని స్పెషల్ సాంగ్ కోసం స్టార్ హీరోయిన్ కావాలని కోరింది. మొదట్లో జాన్వీ కపూర్ ఈ స్పెషల్ సాంగ్ కు ఒకే చెప్పింది. ఎందుకంటే భారీ బ్యానర్ తో పాటు స్టార్ డైరెక్టర్, నేషనల్ యాక్టర్ తో కాలు కలపడం అంటే ఎవరికి ఇష్టం ఉండదు చెప్పండి. అందుకే ఒకే చెప్పింది. కానీ దేవర తర్వాత సాంగ్ చేయనని టీముకు చెప్పింది.

‘నేను దేవర సినిమా మొత్తం కనిపిస్తానని అనుకున్నాను. కానీ కేవలం పాటల కోసమే ఉన్నట్లు చూపించారు. ఇక ఇప్పుడు పుష్ప 2లో స్పెషల్ సాంగ్ చేస్తే, సాంగ్స్ హీరోయిన్ అని ముద్ర పడిపోతుంది. కాబట్టి స్పెషల్ సాంగ్ చేయలేను’ అని జాన్వీ కపూర్ పుష్ప2 టీమ్‌కు తెలిపింది. జాన్వీ కపూర్ తదుపరి దర్శకుడు బుచ్చిబాబుతో రామ్ చరణ్ తదుపరి చిత్రంలో కనిపించనుంది.

పుష్ప 2 టీమ్ స్పెషల్ సాంగ్ కోసం ఫేమస్ హీరోయిన్ ను తీసుకోవాలని అనుకున్నారు కానీ, ఆ అవకాశం మిస్సయ్యింది. పుష్ప1లో స్పెషల్ సాంగ్ కోసం సమంత డ్యాన్స్ చేసి బ్లాక్ బస్టర్ గా నిలిచింది. దీంతో పుష్ప 2లో ఈ పాటపై అంచనాలు భారీగానే ఉన్నాయి. ఈ పాట కోసం త్రిప్తిడిమ్రీ కూడా ఎంపికైంది. యానిమల్ విడుదల తర్వాత ఆమె భారీ విమర్శలు ఎదుర్కొంది. దీంతో పుష్ప టీమ్ ఆమెను తీసుకునేందుకు వెనకడుగు వేశారు.

పుష్ప 2 షూటింగ్ ప్రస్తుతం కాకినాడలో జరుగుతోంది. ఫహద్ ఫాసిల్‌కు సంబంధించి కొన్ని కీలక సన్నివేశాలను చిత్రీకరిస్తున్నారు. ఈ నెలాఖరులో మొత్తం టాకీ పార్ట్ షూట్ పూర్తి చేసి, నవంబర్ 10 నాటికి పాటలను పూర్తి చేయాలని టీమ్ ప్లాన్ చేస్తోంది.