Coach Rahul Dravid
Coach Rahul Dravid : టీం ఇండియా 2024 క్రికెట్ లో పొట్టి ప్రపంచ కప్ నెగ్గి తమ కల నెరవేర్చుకుంది. 2007 లో మొదటిసారి టీ 20 కప్ గెలిచిన టీం ఇండియా రెండో సారి గెలిచి కోచ్ రాహుల్ ద్రవిడ్ కు గిఫ్ట్ గా అందించారు. రాహుల్ ద్రవిడ్ సుదీర్ఘ కాలం ఇండియా క్రికెట్ కు సేవలందించాడు. ద వాల్ గా పేరు పొందిన రాహుల్ ద్రవిడ్ ఇండియాకు ఎన్నో కీలక ఇన్సింగ్స్ లు ఆడాడు. ముఖ్యంగా టీం ఇండియా తడబడుతున్న సమయంలో నిలబడి జట్టును గెలిపించేవాడు. టీం ఇండియా కోచ్ పదవి చేపట్టిన రాహుల్ ద్రవిడ్ కోచ్ గా చివరి రోజు టీం ఇండియా ప్లేయర్లతో మాట్లాడాడు.
టీం ఇప్పటి వరకు టీ 20, వన్డే వరల్డ్ కప్, ఐసీసీ చాంపియన్ ట్రోపీ నెగ్గింది. మూడు ఫార్మాట్లలో విజయం సాధించిన జట్టుగా ఆస్ట్రేలియా సరసన నిలించింది. అయితే ప్రపంచ టెస్టు చాంపియన్ షిప్ లో మాత్రం ఇండియా గెలవలేకపోయింది. 2021 లో జరిగిన టెస్ట్ చాంపియన్ షిప్ పోటీలో న్యూజిలాండ్ పై ఓడిపోయింది. 2023 లో ఆస్ట్రేలియాపై ఓడి ఇంటి బాట పట్టింది.
టీం ఇండియా ఆ ఒక్కటీ సాధిస్తే చూడాలని ఉంది. కొహ్లి ఆ ఒక్కటీ కొట్టేయ్ అంటూ రాహుల్ ద్రవిడ్ తన మనసులో మాటను బయటపెట్టాడు. దీంతో ఇండియా క్రికెట్ ఫ్యాన్స్ రాహుల్ ద్రవిడ్ కు హ్యాట్సాఫ్ చెబుతున్నారు. కోచ్ గా పదవీ ముగిసిపోతున్న సమయంలో కూడా టీం ఇండియా క్రికెట్ సాధించాల్సిన లక్ష్యాలను గుర్తు చేస్తూ ఉన్న ఆయన డెడికేషన్ పై ప్రశంసల జల్లు కురిపిస్తున్నారు.
అతి త్వరలో టీం ఇండియా కొత్త కోచ్ ను ఎంపిక చేయనున్నారు. భారత జట్టు ఇంకా బార్బడోస్ లోనే నిలిచిపోయింది. భారీ తుఫాన్ కారణంగా ఫ్లైట్ రద్దు కావడంతో జట్టు ఆటగాళ్లు, సహాయ సిబ్బంది మొత్తం 70 మంది వరకు ఎయిర్ పోర్టులోనే చిక్కుకుపోయారు.