Ghost Movie : అమ్మో ఆ దెయ్యం సినిమా ఓటీటీలోకి వచ్చేసింది..ఒంటరిగా చూడకండి భయంతో వణికిపోతారు..

Um, that ghost movie has come in OTT..

Ghost Movie : ప్రపంచ వ్యాప్తంగా హరర్ మూవీలకు ఎంతో క్రేజ్ ఉంటుంది. హాలీవుడ్, బాలీవుడ్, టాలీవుడ్..ఇలా ఏ భాషలోనైనా దెయ్యం సినిమాలను చిన్న, పెద్దా ఎంతో ఉత్కంఠగా, ఆసక్తిగా చూస్తుంటారు. అందుకే మేకర్స్ కూడా ఈ కంటెంట్ కు ఎక్కువ ప్రయారిటీ ఇస్తుంటారు. తెలుగులో గతంలో దెయ్యం కథ సినిమాలు బాగానే వచ్చినా..గత ఐదారేళ్లుగా మళ్లీ పుంజుకున్నాయి. స్టార్ హీరో సినిమాల తర్వాత మినిమం గ్యారెంటీ ఉన్న కంటెంట్ దెయ్యం కథలే.

హార్రర్ సస్పెన్స్, క్రైం సస్పెన్స్.. జానర్ కథలకు ఓటీటీ వచ్చిన తర్వాత మరింత డిమాండ్ పెరిగిపోయింది. థియేటర్లలో ఆడని సినిమాలు సైతం ఓటీటీల్లో అదరగొట్టుతున్నాయి. ఓటీటీ ప్లాట్ ఫామ్స్ కొన్ని వేల దెయ్యం సినిమాలు ఆయా భాషల్లో స్ట్రీమ్ అవుతున్నాయి.

అయితే ఏమాటకు ఆ మాటే చెప్పుకోవాలి. మిగతా ఏ భాష చిత్రాలతో పోల్చిన హాలీవుడ్ హార్రర్ సినిమాలు అద్భుతంగా ఉంటాయనే చెప్పాలి. అందుకే అవి భారీ కలెక్షన్లను కొల్లగొడుతుంటాయి. విజువల్స్ కాని, సౌండింగ్  కానీ , స్క్రీన్ ప్రెజెన్స్ కానీ హాలీవుడ్ లో ఓ రేంజ్ లో ఉంటాయి. తాజాగా హాలీవుడ్ లో వెన్నులో వణుకు పుట్టించే భయంకరమైన ఓ దెయ్యం మూవీ వచ్చింది.

వార్నర్ బ్రదర్స్ ప్రొడక్షన్ నుంచి దెయ్యాల సినిమాలు చాలానే వచ్చాయి. ది కంజూరింగ్, అనాబెల్లె, ఈవిల్ డెడ్, లైట్స్ అవుట్ వంటి ఫ్రాంచైజీస్ కు వరల్డ్ వైడ్ ఫ్యాన్స్ ఉన్నారు. ఇక ఇదే బ్యానర్ లో 2018లో వచ్చిన హార్రర్ చిత్రం ‘ది నన్’. ఈ సినిమా అప్పట్లో ఆడియన్స్ తెగ భయపెట్టించింది. అలాగే బాక్సాఫీస్ ను షేక్ చేసింది. ఇక ఈ సినిమా వచ్చిన ఐదేండ్లకు సీక్వెల్ గా ‘ది నన్ 2’ వచ్చేసింది.

ఈ మూవీని జేమ్స్ వాన్, పీటర్ సాఫ్రన్, జుడ్సన్ స్కాట్ సంయుక్తంగా తెరకెక్కించారు. ఈ సినిమాకు మైఖేల్ చేవ్స్ దర్శకత్వం వహించాడు. ఈ మూవీలో సిస్టర్ ఇరేనే అనే ప్రధాన పాతరలో టైస్సా ఫార్మి నటించి జనాలను విపరీతంగా అలరించింది. ఇక ఈచిత్రం గతేడాది సెప్టెంబర్ 8న థియేటర్లలోకి వచ్చింది. బాక్సాఫీస్ వద్ద బ్లాక్ బస్టర్ గా నిలిచి వందల కోట్ల వర్షం కురిపించింది. థియేటర్లలో చూసిన ప్రతీ ఒక్కరు వణికిపోయారనే చెప్పాలి.

తాజాగా  ఈ సినిమా మన దేశంలో ఓటీటీలోకి వచ్చింది. జియో సినిమాలో ఇవాళ్టి నుంచే స్ట్రీమ్ అవుతోంది. ఇంగ్లిష్, తెలుగు, తమిళ, హిందీ భాషల్లో అందుబాటులో ఉంది. ప్రపంచ వ్యాప్తంగా జనాలను ఇంతగా వణికించిన ఈ మూవీ కథ ఏంటనేది తెలుసుకోవాలంటే జియో సినిమాస్ లో చూసేయ్యండి.. చివరగా ఓ మాట ఇంట్లో అర్ధరాత్రి ఒంటరిగా మాత్రం చూడకండి మరి..భయంతో వణికిపోతారు.