Rajasaab : రాజాసాబ్ లో ఆ ఎపిసోడ్ తో షాకవ్వాల్సిందే..? గట్టిగానే ప్లాన్ చేసిన మారుతి!

Rajasaab : బాలీవుడ్ లో ప్రస్తుతం పాన్ ఇండియా రెబల్ స్టార్ ప్రభాస్ దే పై చేయి కనిపిస్తున్నది. హిట్టు ప్లాఫులతో సంబంధం లేకుండా దూసుకెళ్తున్నాడు రెబల్ స్టార్ ప్రభాస్. ఇక రాబోయే సినిమాలపైనా అంచనాలు మాములుగా లేవు. అవన్నీ పాన్ ఇండియా స్థాయిలో తెరకెక్కుతున్నవే. బాహుబలి సిరీస్ పూర్తయ్యే వరకు స్లో గా కనిపించిన ప్రభాస్ ఒక్కసారిగా దూకుడు పెంచాడు. ఆరు నెలలకో సినిమాను రిలీజ్ చేసే ప్లాన్ చేశాడు. అయితే ఇదే సమయంలో మిగతా హీరోల సినిమాల కు కూడా కాస్త గ్యాప్ ఇస్తున్నట్లు తెలుస్తున్నది.

సలార్ విజయంతో సంచలనం సృష్టించిన ప్రభాస్ కల్కి సినిమాతోనూ అదే  మ్యాజిక్ చూపించాడు. ఆదిపురుష్ విడుదల సమయంలో దారుణంగా ట్రోల్ అయ్యాడు. సలార్ సినిమా సమయంలో బాలీవుడ్ బాద్షా షారూఖ్ ఖాన్ తో పోటీయా అని ఎగతాళి చేసిన వాళ్లు ఉన్నారు. ఇక సలార్ విజయం షారూఖ్ కు షాక్ ఇచ్చింది. కల్కి విజయంతో ప్రభాస్ సినిమా విడుదలకు నెల రోజుల దాకా మరో పెద్ద సినిమా విడుదల చేసేందుకు సైతం బాలీవుడ్ పెద్ద హీరోలు జంకుతున్నారు.  ప్రస్తుతం రాబోయే రాజాసాబ్ సినిమా పైనా భారీ అంచనాలు ఉన్నాయి.

రాజాసాబ్ సినిమాపై ఓ ఇంట్రెస్టింగ్ న్యూస్ బయటకు వచ్చింది. ఇటీవల ప్రభాస్ బర్త్ డే సందర్భంగా విడుదల చేసిన మోషన్ పోస్టర్ లో ఓల్డ్ గెటప్ లో కనిపించిన విషయం తెలిసిందే. ఇందులో ప్రభాస్ డబుల్ రోల్ చేస్తున్నాడు. ఒకటి యంగ్ లో లుక్ లో ఉండగా, మరో క్యారెక్టర్ లో  దెయ్యంలా కనిపించబోతున్నాడని తెలుస్తున్నది. దాదాపు ఈ దెయ్యం క్యారెక్టర్ సినిమా మొత్తంలో 15 నిమిషాలకు పైగా ఉంటుందని సమాచారం. ప్రేమకథా చిత్రమ్ లో హీరోయిన్ ను దెయ్యంలా చూపెట్టి భయపెట్టిన మారుతి, ప్రస్తుతం ప్రభాస్ ను కూడా ఓ క్యారెక్టర్ లో చూపెట్టి ప్రేక్షకులకు షాక్  తో పాటు థ్రిల్ ఇవ్వబోతున్నాడని సమాచారం.  ఫైట్ సీన్లలో  ప్రభాస్ లోని రౌద్రం ఎలా ఉంటుందో తెలిసిందే. ఇక దెయ్యం క్యారెక్టర్ లో చెలరేగిపోతాడని ఫ్యాన్స్ భావిస్తున్నాడు. ఈ లెక్కన మారుతి ఈసారి మరింత గట్టిగానే ప్లాన్ చేస్తున్నాడని తెలుస్తున్నది.