Venu Swamy : బిగ్ బాస్ లోకి సెలబ్రిటీల జాతకాలు చెప్పే ఆ స్వామి.. ఇక రచ్చ రంబోలానే

Venu Swamy into Bigboss

Venu Swamy : బిగ్ బాస్ తెలుగు సీజన్ 8 త్వరలో ప్రారంభం కాబోతున్నదని సమాచారం. ఆగస్టు చివర్లో ఈ షో మొదలవుతుందని  తెలుస్తున్నది.  బిగ్ బాస్ లో వెళ్లే వాళ్ల పేర్లు ఇప్పటికే బయటకు వచ్చాయి. బిగ్ బాస్ మొదలయ్యే నెల, రెండు నెలల ముందు నుంచే ఎవరెవర్ని తీసుకోవాలి, వాళ్ళని కాంటాక్ట్ కావడం, మాట్లాడటం జరుగుతుంది. దీంతో 8వ సీజన్ కి కూడా ఇప్పటికే బర్రెలక్క, కుమారి ఆంటీ, హీరో రాజ్ తరుణ్, యాంకర్ రీతూ చౌదరితో పాటు పలువురి పేర్లు సోషల్ మీడియాలో స్ప్రెడ్ అవుతున్నాయి.

అయితే ఈ జాబితాలో ప్రముఖ జ్యోతిష్యుడు వేణుస్వామి పేరు కూడా ఉందని తెలుస్తున్నది. సినీ సెలబ్రిటీలు, రాజకీయ నాయకుల భవిష్యత్ మీద జ్యోతిష్యం చెప్పి ఓ పక్క వైరల్ అవుతూనే మరో పక్కన వివాదాల్లోనూ నిలిచారు.  అయితే వేణు స్వామి చెప్పినవి కొన్ని నిజం కాగా, మరికొన్ని తారుమారయ్యాయి. దీంతో వేణుస్వామి ఇకపై జ్యోతిష్యం చెప్పనని ఇటీవల సంచలన వ్యాఖ్యలు చేశారు. అయితే వేణుస్వామి వద్దకు అనేకమంది హీరోయిన్లు, సినిమా సెలబ్రిటీలు వెళ్లి పూజలు చేయించుకుంటూ ఉంటారు.  దీంతో వాళ్లు కూడా బాగానే పాపులరిటీ సంపాదించారు.  
 
ఈ సీజన్ ను కొత్తగా చేయాలనే ఉద్దేశంతో బిగ్ బాస్  ఈసారి వేణుస్వామి పాపులారిటీని వాడుకోవాలనుకుంటుందనే టాక్ నడుస్తున్నది.  ఇప్పటికే వేణుస్వామిని కాంటాక్ట్ అయినట్లు సమాచారం. అయితే వేణు స్వామికి భారీగా రెమ్యునరేషన్ ఆఫర్ చేయగా, అంగీకరించినట్లు తెలుస్తుంది. వేణుస్వామి వస్తే టీఆర్పీ రేటింగ్ కూడా బాగానే పెరుగుతుందని బిగ్ బాస్ నిర్వాహకుల ఆలోచన. మరి హౌస్ లోకి వచ్చి ఇక్కడ ఎవరి జాతకాలు చెప్తారో, ఎవరి గురించి మాట్లాడుతారో, బిగ్ బాస్ నుంచి ఎన్ని సంచలనాలు సృష్టిస్తాడో వేచి చూడాలి. అయితే దీనిపై ఇప్పటి దాకా అటు బిగ్ బాస్ టీమ్ నుంచి గానీ, వేణు స్వామి నుంచి గానీ ఎటువంటి  ప్రకటన రాలేదు.