Thammudu : తమ్ముడు మరోసారి వస్తున్నాడు.. కానీ రీ రిలీజ్ కాదు.
Thammudu
Thammudu : రెండు తెలుగు రాష్ర్టాల్లో పవర్ స్టార్ పవన్ కల్యాన్ ఫ్యాన్ ఫాలోయింగ్ ప్రత్యేకంగా చెప్పక్కర్లేదు. తెలుగునాట పవన్ కల్యాణ్ సినిమా రిలీజ్ అవుతుందంటే ఆయన అభిమానులకు పండుగే. ఇక ఆయనకు ఫిలిం ఇండస్ర్టీలోనూ ప్రత్యేకంగా అభిమానులు ఉన్నారు. అందులో నితిన్ ముందుంటారు.
నితిన్ ప్రతి సినిమాలో పవన్ కల్యాన్ పేరు ఎక్కడో ఒక చోట వినపడుతుంది. పవన్ బొమ్మ కనిపిస్తుంది. పవన్ కల్యాన్ ను తనకో సెంటిమెంట్ లా భావిస్తాడు నితిన్. అలాంటి పవర్ స్టార్ పవన్ కల్యాన్ సూపర్ హిట్ సినిమా టైటిల్‌ను తన మూవీకి పెట్టుకున్నాడు. వకీల్ సాబ్ సినిమాతో హిట్ కొట్టిన దర్శకుడు ఈ సినిమాకు దర్శకుడు. పవన్ ఫ్యాన్స్ కు ఈ సినిమా పూనకాలు తెప్పించింది. వేణు శ్రీరామ్ నితిన్ హీరోగా రూపొందిస్తున్న ‘తమ్ముడు’ సినిమా చిత్రీకరణ దాదాపు 70 శాతం పూర్తయ్యింది.
ప్రస్తుతం రామోజీ ఫిల్మ్ సిటీ లో ఫైట్ సీన్లు తీస్తున్నారు. 70 మంది ఫైట‌ర్లతో భారీ యాక్షన్ ఎపిసోడ్ ప్లాన్ చేశారు. ప్రీ క్లైమాక్స్ లో ఈ యాక్షన్ సీక్వెన్స్ ఉంటుంది. నితిన్‌తో పాటు స‌ప్తమి గౌడ, టెంప‌ర్ వంశీ, ల‌య త‌దిత‌రులు ఈ ఫైట్ సీన్ లో క‌నిపిస్తారు. ఈ సినిమాలో వీఎఫ్ఎక్స్‌ ప్రాధాన్యం ఇస్తున్నట్లు సమాచారం. అందుకే షూట్ కు ఎక్కువ సమయం తీసుకుంటున్నారు. ఈ ఫైట్ లోనూ వీఎఫ్‌ఎక్స్‌కి ప్రాధాన్యం ఉంటుందని టాక్. ఈ సినిమా కోసం నితిన్ మరోసారి పవన్ కల్యాణ్ మూవీ నుంచి ఓ పాట‌ని రీమిక్స్ చేయబోతున్నారని టాక్ వినిపిస్తున్నది. 20 ఏళ్ల క్రితం వచ్చిన ‘తమ్ముడు’లో వ‌య్యారి భామ నీ హంస నడక పాట చాలా పెద్ద హిట్. దాన్ని రీమిక్స్ చేసినా ఆశ్చర్యం పోనక్కర్లేదు.