Thammudu First Poster : తమ్ముడు ఫస్ట్ పోస్టర్: అభిమానులను ఉర్రూతలూగిస్తున్న నితిన్ ఇంటెన్స్ అవతారం

Thammudu First Poster : తన అప్ కమింగ్ మూవీ ‘తమ్ముడు’ ఫస్ట్ లుక్ పోస్టర్ ను రివీల్ చేసి అభిమానులకు బర్త్ డే ట్రీట్ ఇచ్చాడు నితిన్. గతంలో పవన్ కళ్యాణ్ ‘వకీల్ సాబ్’, నాని ‘మిడిల్ క్లాస్ అబ్బాయి’, సిద్ధార్థ్, శ్రుతిహాసన్ నటించిన ‘ఓ మై ఫ్రెండ్’ వంటి హిట్ చిత్రాలకు దర్శకత్వం వహించిన శ్రీరామ్ వేణు ఈ చిత్రానికి దర్శకత్వ బాధ్యతలు తీసుకున్నారు. నితిన్ ఫిల్మోగ్రఫీకి తమ్ముడు అదిరిపోయే యాడ్ అవుతుందని అభిమానులు ఆశించవచ్చని శ్రీరామ్ వేణు చెప్తున్నారు.

తమ్ముడు ఫస్ట్ లుక్ లో నితిన్ పల్లెటూరికి వెళ్తున్న బస్సుపై కూర్చొని ఈటెను పట్టుకోవడం కనిపిస్తుంది. ఒక గిరిజన మహిళ బస్సు నడుపుతుంది. ప్రయాణికులు ఆందోళనగా కనిపించారు. ఇది సినిమాలో ఆసక్తికరమైన కథాంశాన్ని సూచిస్తుంది. ప్రామిస్, బుల్ ఐతో కూడిన టైటిల్ లోగో ఒక అసాధారణ సినిమా అని తెలుస్తోంది.

‘ఆశయం, ధైర్యం, దృఢ సంకల్పం ఉన్న కథ’ అని ఆ పోస్టుకు క్యాప్షన్ ఇచ్చారు శ్రీ వేంకటేశ్వర క్రియేషన్స్ బ్యానర్. అందరికీ ఇష్టమైన సోదరుడు నితిన్ కు జన్మదిన శుభాకాంక్షలు’ అంటూ తెలిపారు. ఈ పోస్టర్‌పై పలువురు నెటిజన్లు కామెంట్లు చేశారు. ‘ఆల్ ది బెస్ట్ వేణు శ్రీరామ్, నితిన్’ అని ఓ నెటిజన్ కామెంట్ చేశాడు. ‘హ్యాపీ బర్త్ డే నితిన్’ అని మరో నెటిజన్ కామెంట్ చేశాడు.

దిల్ రాజు శ్రీ వేంకటేశ్వర క్రియేషన్స్ బ్యానర్‌పై తమ్ముడు సినిమా రూపొందుతోంది. నితిన్, దర్శకుడు శ్రీరామ్ వేణు కాంబినేషన్ లో వచ్చిన తొలి చిత్రమిది. ఈ చిత్రానికి ప్రముఖ సంగీత దర్శకుడు అజనీష్ లోక్ నాథ్ సంగీతం అందిస్తున్నారు. ప్రవీణ్ పూడి ఎడిటింగ్, సమీర్ రెడ్డి సినిమాటోగ్రఫీ అందిస్తున్నారు.

ఈ సినిమా కథ ఇంకా రివీల్ కానప్పటికీ, కాంతారాలో తన పాత్రకు ప్రసిద్ధి చెందిన సప్తమి గౌడ నితిన్ సరసన హీరోయిన్ గా నటించనుండగా, వర్ష బొల్లామ అతని సోదరిగా నటించనుందని తెలుస్తోంది. ఈ అంచనాలకు మరింత బలం చేకూరుస్తూ నటి లయ కూడా ఈ చిత్రంలో కీలక పాత్ర పోషించనుంది.

వెంకీ కుడుముల డైరెక్షన్ లో రాబిన్ హుడ్ సినిమా చేయడానికి రెడీ అవుతున్నాడు నితిన్. యాక్షన్ తో నిండిన కామెడీగా ఇది ఉండబోతోంది. మైత్రీ మూవీ మేకర్స్ ఈ చిత్రాన్ని నిర్మిస్తోంది. భీష్మ సినిమా తర్వాత వెంకీతో నితిన్ చేస్తున్న రెండో సినిమా ఇది.

తమ్ముడు, రాబిన్ హుడ్ సినిమాల విడుదల కోసం ఆత్రుతగా ఎదురు చూస్తున్న అభిమానుల్లో ఉత్సాహం పెరుగుతోంది. పవర్ స్టార్ పవన్ కళ్యాణ్ పై ఆయనకున్న అభిమానం అందరికీ తెలిసిందే. పవన్ కళ్యాణ్ నటించిన విజయవంతమైన చిత్రాల్లో ఒకటైన తమ్ముడు పేరునే ఆయన తాజా సినిమాకు పెట్టడం అభిమానుల్లో మంచి బజ్ క్రియేట్ చేసింది. 

A story of ambition, courage, and determination🎯

Presenting the passion-filled first look of #THAMMUDU ❤️‍🔥

Wishing everyone’s Favourite Brother @actor_nithiin a very Happy Birthday ❤️🎉#HBDNithiin

A Film by #SriramVenu #DilRaju @SVC_official @AJANEESHB pic.twitter.com/30PgqvLvIZ

— Sri Venkateswara Creations (@SVC_official) March 30, 2024