Thaman – Sreeleela : తమన్ ఎంత పని చేశావయ్యా.. శ్రీలీల బుగ్గ గిల్లుతావా.. ఎంత ధైర్యం నీకూ

Thaman – Sreeleela

Thaman – Sreeleela : సినిమా ఇండస్ట్రీలో చాలా మందికి తిరుమల వెంకటేశ్వర స్వామి దర్శనం చేసుకోవడం అలవాటు. సినిమా షూటింగ్ ప్రారంభం, రిలీజ్ కు ముందు స్వామి వారిని దర్శించుకుని ఆశీర్వాదం తీసుకోవడం ఆనవాయితీగా వస్తోంది. అయితే తెలుగు హిరోయిన్ శ్రీలీల కూడా ఈ మధ్య తిరుమల వెంకన్న దర్శనానికి వెళ్లింది. అయితే ఆమె దర్శనం చేసుకుని తిరిగి వస్తున్న సమయంలో మ్యూజిక్ డైరెక్టర్ తమన్ ఆమెకు కనిపించాడు.

అయితే తమన్ లైన్ లోనే శ్రీలీల బుగ్గ గిల్లాడు. ఏంటీ దేవాలయంలో బుగ్గ గిల్లడం అనుకుంటున్నారా.. అది కేవలం చనువుతో ఉన్న సంబంధం వల్ల కాస్త అల్లరిగా అలా చేశాడు. అయితే శ్రీలీల నటించిన చాలా సినిమాలకు తమన్ సంగీతం సమకూర్చాడు. భగవంత్ కేసరి, స్కంద, గుంటూరు కారం లాంటి మూవీస్ లో శ్రీలీల నటించగా మ్యూజిక్ తమన్ అందించాడు. అయితే తమన్ ను సోషల్ మీడియాలో శ్రీలీల అభిమానులు కామెంట్లు చేస్తున్నారు. ఎంత ధైర్యం నీకు.. మా శ్రీలీల బుగ్గ గిల్లుతావా అంటూ ట్రోల్స్ తో ఆటాడుకుంటున్నారు.

శ్రీలీల శ్రీవారి దర్శనం అనంతరం ఆలయ అర్చకులు ఆమెకు తీర్థ ప్రసాదాలు అందజేశారు. భవిష్యత్తులో మరిన్ని మంచి విజయాలు సాధించాలని ఆశీర్వదించారు. అనంతరం బయటకు వచ్చిన తర్వాత శ్రీలీల మీడియాతో మాట్లాడుతూ.. దర్శనం చాలా బాగా జరిగిందని సంతోషం వ్యక్తం చేశారు. ఏదైనా నూతనంగా చేసే పని ప్రారంభిచేటప్పుడు స్వామి వారిని దర్శించుకోవడం అలవాటు అన్నారు. అయితే జెట్ స్పీడ్ తో దూసుకుపోయిన శ్రీలీలకు వరుసగా ఫ్లాప్స్ రావడంతో ప్రస్తుతం కాస్త వెనకబడింది.

ప్రస్తుతం నితీన్ తో కలిసి నటిస్తోంది. ఈ సినిమా అనంతరం మరో సినిమాకు కూడా సైన్ చేసినట్లు తెలుస్తోంది. సినిమా రంగంలో అత్యంత వేగంగా హిరోయిన్ గా ఎదిగి వరుసగా ఒకే ఏడాదిలో ఎక్కువ సినిమాలు చేసిన హిరోయిన్లలో శ్రీలీల ముందు వరుసలో నిలుస్తుంది. ఇక నుంచి వేగంగా కాకుండా కెరీర్ లో బెస్ట్ గా నిలిచే సినిమాలను ఎంపిక చేసుకోవాలని నిర్ణయం తీసుకుంది. ప్రస్తుతం చదువుకుంటున్న శ్రీలీల ఎగ్జామ్స్ పై దృష్టి సారించిందని త్వరలోనే సినిమాల్లో మళ్లీ కనిపించనుందని తెలుస్తోంది.