Thaman : నాలుగు రోజుల్లోనే మ్యూజిక్ మార్చిన తమన్.. అప్పడు బ్యాడ్.. ఇప్పుడు గుడ్..

Thaman : టాలీవుడ్ స్టార్ మ్యూజిక్ డైరెక్టర్ తమన్ గురించి పరిచయం అవసరం లేదు. ప్రస్తుతం ఇండస్ట్రీలో ఆయనకు మంచి క్రేజ్ ఉంది. తెలుగుతో పాటు తమిళం, కన్నడ, తదితర భాషల్లో అనేక ప్రాజెక్టులకు మంచి మ్యూజిక్, బ్యాగ్రౌండ్ స్కోర్ అందించి తక్కువ సమయంలోనే స్టార్ స్టేటస్ సంపాదించుకున్నాడు. కొన్ని సినిమాలకు సంబంధించి విమర్శలు ఎదుర్కొన్నప్పటికీ.. ఇండస్ట్రీలో మంచి ప్రాజెక్టులు చేశాడన్న రికార్డు ఆయనపేరుపై ఉంది. ఒక సినిమా తర్వాత మరో సినిమా చేస్తూ ఎప్పుడూ బిజీగానే ఉంటున్నారు.

ప్రస్తుతం స్టార్ హీరో రామ్ చరణ్ ‘గేమ్ ఛేంజర్’కు మ్యూజిక్ అందించింది కూడా తమనే. పాన్ ఇండియా స్టార్ ప్రభాస్, డైరెక్టర్ మారుతి కాంబోలో వస్తున్న ‘రాజా సాబ్’కు కూడా తమన్ సంగీతం సమకూర్చారు. ప్రస్తుతం బాలయ్య అఖండ-2కు బాణీలు కడుతున్నారు. తన చేతిలో పవన్ కళ్యాణ్ ‘ఓజీ’, సిద్ధు ‘తెలుసు కదా’ ఉన్నాయి. తెలుగుతో పాటు బాలీవుడ్ లో బేబీ జాన్ కు మ్యూజిక్ అందిస్తున్నారు.

బాలీవుడ్ హీరో వరుణ్ ధావన్, కీర్తి సురేష్ జంటగా నటిస్తున్న బేబీ జాన్.. యాక్షన్ ఎంటర్‌టైనర్ గా తెరకెక్కుతోంది. 2016లో విజయ్‌ ‌‌మూవీ ‘తేరి’కి రీమేక్ గా ఈ మూవీ తెరకెక్కుతోంది. క్రిస్మస్ కానుకగా బేబీ జాన్ రిలేజ్ చేసేందుకు మేకర్స్ సిద్ధం చేస్తున్నారు. ఇందులో భాగంగానే టీజర్ ను ఇటీవలె మేకర్స్ విడుదల చేశారు. టీజర్ వచ్చాక.. తమన్ పై ఓ రేంజ్ లో ప్రశంసలు కురుస్తున్నాయి. ఆయన బ్యాగ్రౌండ్ స్కోర్ సూపర్ అని మెచ్చుకుంటున్నారు. గతంలో తేరికి జీవీ ప్రకాశ్ అందించిన దానికన్నా జాన్ కు తమన్ ఇచ్చిన బ్యాగ్రౌండ్ స్కోర్ మస్తుందంటున్నారు. రీసెంట్ గా సింగం ఎగైన్ కూడా రిలీజ్ అయిన సంగతి తెలిసిందే. అజయ్‌ దేవగణ్‌, కరీనా కపూర్‌, రణవీర్ సింగ్, అక్షయ్‌ కుమార్‌ నటించిన ఆ సినిమా బాక్సాఫీస్ వద్ద బోల్తా కొట్టింది.

ఆ సినిమాకు తమన్, రవి బస్రూర్ తో కలిసి చేసిన బ్యాక్ గ్రౌండ్ స్కోర్ కు తీవ్రమైన విమర్శలు వెల్లువెత్తాయి. టార్చర్ అని పలువురు సోషల్ మీడియాలో తిట్టిపోశారు. బేబీ జాన్ టీజర్ కు ప్రశంసలు అందుకుంటున్నారు. ఇది ఆయనకు పెద్ద రిలీఫ్ అని చెప్పాలి. నాలుగు రోజుల్లో సింగం ఎగైన్ విషయంలో వచ్చిన విమర్శలు మర్చిపోయేలా తమన్ చేసుకున్నారన్న మాట. తన అప్ కమింగ్ ప్రాజెక్టులతో ఎలాంటి హిట్లను తన ఖాతాలో వేసుకుంటారో చూడాలి.