Union Minister Gadkari
Union Minister Gadkari : ఏ విషయంపైనైనా ముక్కుసూటిగా మాట్లాడే నితిన్ గడ్కరీ ఇటీవల యూట్యూబ్‌లోని తన అధికారిక ఛానెల్‌కు గానూ ‘గోల్డెన్ ప్లే బటన్’ అవార్డును గెలుచుకున్నాడు. ఈ అవార్డును యూట్యూబ్ రీజినల్ డైరెక్టర్ అజయ్ విద్యాసాగర్ బుధవారం గడ్కరీకి అందజేశారు. దీనికి సంబంధించిన వీడియోను తన ఎక్స్ ఖాతాలో పోస్ట్ చేసిన గడ్కరీ.. ఈ గుర్తింపు ప్రజల విశ్వాసం, మద్దతుకు ప్రతీక అని అన్నారు. ఈ గౌరవం ద్వారా ప్రజల ప్రశంసలను గుర్తించినందుకు యూట్యూబ్‌కు ధన్యవాదాలు తెలిపారు.
గడ్కరీ YouTube ఛానెల్ ప్రస్తుతం ఒక మిలియన్ కంటే ఎక్కువ మంది సబ్ స్క్రైబర్లను కలిగి ఉంది. 4,200 వీడియోలు పోస్ట్ చేయబడ్డాయి. ఈ వీడియోలలో అతను పాల్గొన్న అన్ని ప్రారంభోత్సవ వేడుకలకు సంబంధించిన వీడియోలను, కొత్త రోడ్‌వేలు, ఎక్స్‌ప్రెస్‌వేల వివరాలతో పాటు వివిధ మీడియా సంస్థలకు ఇచ్చిన ఇంటర్వ్యూలకు సంబంధించిన వీడియోలను అప్‌లోడ్ చేస్తాడు.