Child Actors : టాలీవుడ్ లో చైల్డ్ ఆర్టిస్టులుగా ఎంట్రీ ఇచ్చి, ఆ తర్వాత హీరోలుగా మారిన నటులు చాలా మందే ఉన్నారు. ఇతర సినిమాల్లో చైల్డ్ ఆర్టిస్ట్ గా చేయడం వేరు. తమ సినిమాలో వాళ్లే మెయిన్ యాక్టర్ గా చేసి మూవీ మొత్తాన్ని తనే నడిపించి విజయాలు సాధించడం వేరు.. ఇక ఇప్పుడు టాలీవుడ్ ను ఏలుతున్న టాప్ హీరోలు ఒకప్పుడు చైల్డ్ ఆర్టిస్టుగా చేసిన వాళ్లే. వాళ్లలో కొందరి గురించి తెలుసుకునే ప్రయత్నం చేద్దాం
లవర్ బాయ్ తరుణ్
బాల నటుడిగా సూపర్ హిట్లు కొట్టిన తరుణ్ పెద్దయ్యాక హీరోగా తొలి చిత్రంతోనే ఇండస్ర్టీ హిట్ కొట్టాడు. చైల్డ్ అర్టిస్టుగా తేజ అనే సినిమాలో లీడ్ రోల్ చేసి, గుర్తింపు తెచ్చుకున్నాడు. విక్టరీ వెంకటేష్ హీరోగా వచ్చిన ‘సూర్య ఐపీఎస్’, బాలకృష్ణ హీరోగా వచ్చిన ‘ఆదిత్య 369’ సినిమాల్లో కూడా చైల్డ్ ఆర్టిస్ట్ గా నటించి బాల నటుడిగా తనకంటూ సొంత ఇమేజ్ తెచ్చుకున్నాడు. ఇక నువ్వే కావాలి సినిమాతో సినిమా ఇండస్ట్రీకి పరిచయమై లవర్ బాయ్ ఇమేజ్ సొంతం చేసుకున్నాడు. వ్యక్తిగత కారణాలతో సరైన సినిమాలు ఎంచుకోక ప్లాఫ్ ల బాట పట్టాడు. కొన్నేళ్లుగా సినిమాలు లేక ఖాళీగానే ఉంటున్నాడు.
జూనియర్ ఎన్టీయార్
చైల్డ్ ఆర్టిస్టుగా ఎంట్రీ ఇచ్చి ప్రస్తుతం బాలీవుడ్ కు ఎదిగిన హీరో జూనియర్ ఎన్టీఆర్. చిన్నప్పుడు బాల రామాయణం సినిమా చేసి తనను తాను ప్రూవ్ చేసుకున్నాడు ఎన్టీఆర్ . ఇక చిన్నప్పుడే రాముడి పాత్రలో నటించడం అంత ఈజీ కాదు. అలవోకగా రాముడి పాత్రలో అలవొకగా రాణించి బాల రాముడిగా పేరు సంపాదించుకున్నాడు. ఇక ఆ తర్వాత ‘నిన్ను చూడాలని’ సినిమాతో ఇండస్ట్రీకి పరిచయమైన ఎన్టీఆర్ ఎన్నో సూపర్ హిట్లు కొట్టి ఇండస్ర్టీ రికార్డులను తిరగరాశాడు. ప్రస్తుతం బాలీవుడ్ లో హృతిక్ రోషన్ తో కలిసి వార్-2 సినిమా చేస్తున్నాడు.
తేజ సజ్జ
హనుమాన్ తో బంపర్ హిట్టు కొట్టిన తేజ సజ్జా కూడా ఒకప్పుడు చైల్డ్ ఆర్టిస్ట్ గా చేసిన వాడే. స్టార్ హీరోలందరితో నటించాడు ఈ చిన్నోడు. చిరంజీవి, నాగార్జున, వెంకటేష్, మహేష్ బాబు, పవన్ కల్యాణ్ లాంటి అగ్ర హీరోలందరితో నటించాడు. తేజా సజ్జా హీరోగా ‘ప్రశాంత్ వర్మ’ దర్శకత్వంలో వచ్చిన జాంబీరెడ్డి సినిమా సూపర్ హిట్టయ్యింది. మళ్లీ వీరిద్దరి కాంబినేషన్ లో వచ్చిన రెండో సినిమా ‘ హనుమాన్ ‘ టాలీవుడ్ తో పాటు బాలీవుడ్ రికార్డులను సైతం బ్రేక్ చేసింది. ఇదే ఊపుతో తన తదుపరి సినిమాను పాన్ ఇండియా రేంజ్ లో తెరకెక్కిస్తున్నాడు. ఈ సినిమా హిట్టయితే తేజా సజ్జా కూడా పాన్ ఇండియా హీరో అవడం ఖాయం.
వీళ్లతోపాటు హీరోలు వరుణ్ తేజ్, కల్యాణ్ రామ్, అల్లు అర్జున్ తో పాటు మరికొందరు చైల్డ్ ఆర్టిస్టులుగా చేసి హీరోలుగా ఎదిగారు.