EAPCET Results : నేడు తెలంగాణ ఈఏపీ సెట్ ఫలితాలు

Telangana EAPCET Results

EAPCET Results : తెలంగాణలో ఇంజనీరింగ, అగ్రికల్చర్, ఫార్మసీ కోర్సుల్లో ప్రవేశాలకు నిర్వహించిన ఈఏపీ సెట్ ఫలితాలు శనివారం ఉదయం 11 గంటలకు విడుదల కానున్నాయి. విద్యాశాఖ ముఖ్య కార్యదర్శి బుర్ర వెంకటేశం, ఉన్నత విద్యామండలి ఛైర్మన్ లింబాద్రి జేఎన్టీయూహెచ్ లో ఫలితాలను విడుదల చేయనున్నారు. ఈ మేరకు ఈఏపీ సెట్ కన్వీనర్ డీన్ కుమార్, కో-కన్వీనర్ విజయ్ కుమార్ రెడ్డి ఒక ప్రకటనలో తెలిపారు.

కాగా, ఈ నెల 7 నుంచి 11వ తేదీ వరకు ఈఏపీ సెట్ పరీక్షలు నిర్వహించారు. అన్ని విభాగాలకు కలిపి దాదాపు 3 లక్షలకు పైగా దరఖాస్తులు వచ్చాయి. ఇంజనీరింగ్ విభాగం నుంచి 94 శాతం మంది, అగ్రికల్చర్, ఫార్మసీ నుంచి 90 శాతం మంది పరీక్షలు రాశారు.