T20 World cup 2024
T20 World cup 2024 : దేశంలో ఇండియన్ ప్రీమియర్ లీగ్ హవా నడుస్తోంది. ఈ సమ్మర్ సీజన్ అంతా క్రికెట్ అభిమానులకు పండగే పండగ. ఇక మెగా టోర్నీ ముగిసిన వెంటనే టీ 20 వరల్డ్ కప్ ప్రారంభం కానుంది. యూఎస్ఏ-వెస్టిండీస్ లో జరుగనున్న ఈ ప్రపంచ కప్ కోసం అన్ని దేశాలు తమ తమ జట్లను మే 1లోగా ప్రకటించాల్సి ఉంది. ఐపీఎల్ ప్లేయర్ల ఆటతీరును పరిగణలోకి తీసుకుని పటిష్ట జట్టును ఎంపిక చేసేందుకు బీసీసీఐ ప్రణాళిక సిద్ధం చేసింది. భారత జట్టులో తీవ్రమైన పోటీ ఉన్నందున యువ ఆటగాళ్లకు చాలా మందికి అవకాశం వచ్చేట్టు కనిపించడం లేదు. పలువురు సీనియర్లకు మాత్రమే ఆడే అవకాశాలు ఉన్నాయి.
ఈ టీ 20 ప్రపంచ కప్ లో టీమిండియా ఎలా ఉండాలో మాజీ క్రికెటర్ మహ్మద్ కైఫ్ తెలిపాడు. త్వరలో జరుగనున్న టీ 20 ప్రపంచ కప్ కోసం 15 మందితో కూడిన జట్టును ఎంపిక చేశాడు. ఈ జట్టులో రింకూ సింగ్, సంజూ శాంసన్, శుభ్ మన్ గిల్ లకు చోటు దక్కకపోవడం గమనార్హం. బదులుగా వీరి స్థానాల్లో శివమ్ దూబే, రియాన్ పరాగ్ లను ఎంపిక చేశాడు. అలాగే స్పిన్నర్లుగా కులదీప్ యాదవ్, యుజువేంద్ర చాహల్, అక్షర్ పటేల్ లకు చోటు దక్కింది. పేసర్ల జాబితాలో బుమ్రాతో పాటు మహ్మద్ సిరాజ్, అర్షదీప్ సింగ్ లకు చోటు దక్కించింది. రిషబ్ పంత్ వికెట్ కీపర్ గా ఎంపికయ్యాడు.
మహ్మద్ కైఫ్ ఎంపిక చేసిన జట్టు ఇదే..
యశస్వి జైస్వాల్, రోహిత్ శర్మ, విరాట్ కోహ్లీ, సూర్యకుమార్ యాదవ్, హార్దిక్ పాండ్యా, రిషబ్ పంత్ (వికెట్ కీపర్), అక్షర్ పటేల్, రియాన్ పరాగ్, రవీంద్ర జడేజా, కులదీప్ యాదవ్, జస్ ప్రీత్ బుమ్రా, అర్షదీప్ సింగ్, యుజేంద్ర చాహల్, శివమ్ దూబే, మహ్మద్ సిరాజ్.