T-20 World Cup : రెండో సారి విజేతగా నిలిచేందుకు టీమిండియా రెడీ..తుది జట్టులో ఎవరుంటారో చెప్పండి..

T-20 World cup

T-20 World cup : పొట్టి ప్రపంచకప్ మరో రెండు రోజులే మిగిలి ఉంది.  జూన్ 2న అమెరికాలో అట్టహాసంగా ప్రారంభం కాబోతోంది. క్రికెట్ ఫ్యాన్స్ కు  మరో నెల పాటు నాన్ స్టాప్ ఎంటర్ టైన్ మెంట్ అందించనుంది. ఐసీపీ వరల్డ్ కప్ టోర్నీ కావడంతో మరింత మజా తీసుకురానుంది. ఈ నేపథ్యంలో రెండో సారి టీ 20 వరల్డ్ కప్ ట్రోఫీని గెలుచుకోవాలని తహతహలాడుతోంది.

టీమిండియా జూన్ 1న  బంగ్లాదేశ్ తో వార్మప్ మ్యాచ్ ఆడనుంది. జూన్ 5 ఐర్లాండ్ తో తొలి మ్యాచ్ ఆడబోతోంది. జూన్ 9న దాయాది దేశం పాకిస్తాన్ తో ఆడనుంది.  కాగా, భారత్ 2010 టీ -20 వరల్డ్ కప్ మ్యాచ్ సందర్భంగా కరేబియన్ దీవుల్లో క్రికెట్ ఆడింది. కాకపోతే అప్పుడు సూపర్ -8 దశలోనే తన ప్రయాణాన్ని ముగించింది. ఇప్పుడు అలాంటి పరిస్థితి పునరావృతం కావొద్దని టీమిండియా భావిస్తోంది. వన్డే ప్రపంచకప్ లో ఫైనల్ లో ఓడిన కసితో టీ-20 కప్ ను గెలుచుకుని అభిమానులకు గిఫ్ట్ ఇవ్వాలని కోరుకుంటోంది.

కాగా, ఈ మెగా టోర్నీ కోసం ఇప్పటికే 15 మందితో జట్టును ప్రకటించారు. అయితే ఇందులో ఏ 11 మంది బరిలో దిగితే వరల్డ్ కప్ సాధిస్తారు అని సోషల్ మీడియాలో క్రికెట్ ఫ్యాన్స్ హోరెత్తిస్తున్నారు. ఫైనల్ 11 లెవల్ లో మీ చాయిస్ ఎవరో చెప్పాలంటూ పోల్స్ పెడుతున్నారు. ఏ 11 మంది మీ కలను నెరవేరుస్తారంటూ పోస్టులు పెడుతున్నారు.  

బీసీసీఐ సెలక్టర్లు ఎంపిక చేసిన పూర్తి జట్టు:

రోహిత్ శర్మ(కెప్టెన్), యశస్వి జైస్వాల్, విరాట్ కోహ్లీ, సూర్య కుమార్ యాదవ్, రిషబ్ పంత్, సంజూ శాంసన్, హార్దిక్ పాండ్యా, శివమ్ దూబే, రవీంద్ర జడేజా, అక్షర్ పటేల్, కుల్ దీప్ యాదవ్, యజువేంద్ర చాహల్, అర్ష్ దీప్ సింగ్, జస్ ప్రీత్ బుమ్రా, మహ్మద్ సిరాజ్.